दक्षिण कोरियालाई बाचा पुरा गर्न आवेको आग्रह

टोकियो-जापानी प्रधानमन्त्री सिन्जो आवेले दक्षिण कोरियालाई आफ्नो बाचा पुरा गर्न आग्रह गरेका छन् |

प्रधानमन्त्री आवेले दोश्रो विश्व युद्धपछि दुई देश बीच भएको सम्झौता अनुसार कोरियाले आफ्नो बाचा पुरा गर्नु पर्ने बताएका हुन् |

उत्तर कोरियाको सैन्य सम्बन्धी गोप्य सुचनाहरु जापानलाई नदिने दक्षिण कोरियाको एक तर्फी निर्णयप्रति प्रतिक्रिया दिंदै प्रधानमन्त्री आवेले सो कुरा बताएका हुन् |

दोश्रो बिश्वयुद्दामा जापानले बन्दी बनाएका दक्षिण कोरियाली कामदारहरुलाई क्षतिपूर्ती दिन सोलको अदालतले आदेश दिए पछि दुई देश बिचको बिबाद बढेको हो |

जापानले ती मुद्धाहरु सन् १९६५ को दशकमा दुई देशबीच भएको सम्झौता संगै टुंगिएको बताउदै आएको छ |

कोरिया र जापानको आपसी सम्बन्ध र विश्वास पुस्थापना गर्न आफु लागि पर्ने पनि प्रधानमन्त्री आवेको भनाइ छ |