जापानमा नक्कली विवाह गराउने नेपाली दलाल पक्राउ

टोकियो-जापानमा नक्कली विवाह गराउने दुई नेपाली सहित एक जापानी नागरिक पक्राउ परेका छन् ।

जापानका समचार संस्थाहरुले जनाए अनुसार जापानी नागरिकसंग नक्कली विवाहका लागि आवश्यक कागज पत्र मिलाउने लील गुरुङ्ग र नक्कली विवाह गरेकी नैन कुमारी गुरुङ्गलाई टोकियो महानगरीय प्रहरीले पक्राउ गरेको हो ।

सो घटनामा संलग्न भएको आरोपमा ६१ वर्षिय जापानी नागरिक केन्जी कोदालाई समेत प्रहरीले पक्राउ गरेको छ ।

जापानी प्रहरीले जनाए अनुसार लील गुरुङ्गले नक्कली डकुमेन्ट बनाएर जापानी नागरिकसंग नेपालीहरुको विवाह गराएको स्वीकार गरेका छन् ।

समचार अनुसार २०१७ को जुलाई महिनामा टोकियो नेरीमा सीटीमा लीलले जापानी नागरिक केन्जी र नैन कुमारीको नक्कली विवाहको कागज पेस गरेका थिए ।

यस वापत लीलले केन्जीबाट मासिक २० हजार येनका दरले ४ लाख येन तिर्नुपर्ने शर्त राखेका थिए ।

लीलको यस्तो कारोबार थाहा पाएपछि प्रहरीले तीनै जनालाई पक्राउ गरेको हो ।