उत्तर कोरिया व्यवसायमैत्री वातावरण सिर्जना गर्न प्रयासरत छ : विदेशमन्त्री जेई

एजेन्सी- उत्तर कोरियाका विदेशमन्त्री किम योङ जेइले आफ्नो देशमा व्यवसायमैत्री वातावरण सिर्जना गर्न प्रयास भइरहेको बताएका छन्।

चीनको जिलिन प्रान्तमा आयोजित एक फोरममा सहभागी भएका विदेशमन्त्री जेइले विदेशी लगानी आकर्षित गर्न र आर्थिक साझेदारी थप मजुबत बनाउन विदेशी सरकारसँग छलफल भइरेहेको बताएका हुन्।

‘थुप्रै देशसँग व्यापक रुपमा आर्थिक साझेदारी विस्तार गर्न हामी सक्रिय भएर लागेका छौं। आर्थिक सहायता आदानप्रदान गर्न र लगानी बढाउन हाम्रो प्रयास छ,’ उनले भनेका थिए।

उनले धेरै लगानीकर्ताले उत्तर कोरियामा लगानी गर्न निकै चासो देखाएको समेत उनले बताए। आफ्नो देशको लोकेसनले विश्वव्यापी व्यापारमा धेरै फाइदा पुर्यानउन सक्ने भएकाले पनि विदेशी लगानीकर्ताले चासो देखाएको उनको दाबी थियो।

प्योङयाङ र बेइजिङबीच निकट सम्बन्ध रहेको उल्लेख गर्दै उनले धेरै मुद्दा समान फाइदा रहेको बताएका थिए।

उत्तर कोरियाले विदेशी लगानी भित्र्याएर आर्थिक विकास गर्ने चाहेको देखिन्छ।