जापानबाट हुने ‘फोहोर’ आयातमा दक्षिण कोरियाको कडाइ

सोल- दक्षिण कोरियाली सरकारले जापानबाट हुने आयातमा कडाइ गर्ने भएको छ। जापानबाट हुने कतिपय वस्तुलाई ‘फोहोर’को संज्ञा दिँदै दक्षिण कोरियाले ती वस्तु आयातमा कडाइ गर्न भएको हो।

जापानबाट आयात हुँदै आएका ब्याट्री, विद्युतीय उपकरण, टायर र प्लास्टिकका वस्तुले वातावरण तथा मानवीय स्वास्थ्यमा प्रतिकूल असर पार्ने भन्दै उसले आयातमा कडाइ गर्नुपरेको बताएको छ।

दक्षिण कोरियाको वातावरण मन्त्रालयले यस्ता उपकरण दक्षिण कोरियामा रिसाइकल गर्ने गरी आयात भइरहेकोले अब त्यस्ता उपकरण भित्र्याउन कडाइ गरिने बताएको छ।

‘ठुलो परिणाममा फोहोरमैला आयात गर्ने सन्दर्भमा सरकारले वातावरणीय र मानव स्वास्थ्यका विषयमा गम्भीर हुँदै नयाँ प्रावधान कार्यान्वयनमा ल्यासउन लागेको छ,’ मन्त्रालयले भनेको छ।