कोरियाली मजदूर नेता भन्छन – ‘जापानले इतिहासलाई बंग्याएको छ’

सोल- दक्षिण कोरियाली मजदूर संगठन केसिटियुले जापान सरकारले इतिहासलाई बंग्याउन खोजिरहेको आरोप लगाएको छ |

कोरियाली स्वतन्त्रता दिवसको अवसरमा बोल्दै केसिटियुका पदाधिकारीहरुले आवे सरकारले कोरियाको दुई देशको ईतिहासलाई तोडमोड गर्न खोजेको आरोप लगाएका हुन् |

बिहिबार सोल ग्वान्वामुन स्क्वायरमा ५००० जतिको संख्यामा जम्मा भएका मजदूरहरुले रैली गरे जहाँ आबे सरकारले इतिहासलाई विकृत गरेको र जापान सैन्य हतियारको पछि लाग्ने गरेको आरोप लगाएका थिए ।

केसीटीयूका अध्यक्ष किम मयुंग-ह्वानले जुलुसलाई सम्बोधन गर्दै भने ‘आबे सरकार विगतका युद्धकालीन अपराधहरू बिर्सेर माफी माग्नु भन्दा आर्थिक आक्रमणमा ध्यान केन्द्रित गरिरहेको छ |’