कोरियन यौनदासीहरुको आन्दोलन १४ सय हप्तामा

सोल-दक्षिण कोरियाली महिला यौनदासीहरुले आन्दोलन शुरु गरेको १४ सय हप्ता पुरा भएको छ |

सोलस्थित जापानी राजदूताबास प्रांगणमा बिद्यार्थी,सामाजिक कार्यकर्ता र अन्य सामान्य नागरिक गरि २० हजार सहभगीहरूले संयुक्त रुपमा आन्दोलनको १४ सय औं हप्ता आयोजना गरेका हुन् |

जापानी युद्धका बेला यौन दासी बनाइएका कोरियन महिलाहरुले क्षतिपुर्ती पाउनु पर्ने र जापानी सारकरले माफी माग्नु पर्ने शर्त राख्दै सन् १९९२ को जनवरीबाट शुरु गरिएको आन्दोलन १४ सय हप्ता अर्थात २७ वर्ष पुरा भएको छ |

बिरोध र्यल्ली हरेक बुधबार हुदै आएको छ | ‘एकदमै चर्को गर्मीमा पनि आजको आन्दोलनमा आउनु भएकोमा धन्यबाद दिन चाहन्छु, हामी विजय नभएसम्म लडी रहनेछौं ‘ कार्यक्रमलाई सम्बोधन गर्दै जापानी यौन दासत्वको शिकार बनेकी गिल वोन-ओकेले भनिन |

दोश्रो बिश्व युद्दताका २ लाख भन्दा बढी कोरियन महिलालाहरुलाई जबर्जस्त यौनदासी बनाइएको थियो \

गएको वर्ष दक्षिण कोरियाको अदालतले जापानी कम्पनीहरूलाई औपनिवेशिक युगमा जबरजस्ती श्रमबाट पीडितलाई क्षतिपूर्ति दिन आदेश दिएको थियो।

बुधबार सहभागीहरूले जापानी सरकारसँग युद्दको बेला गरेका अपराधहरू स्वीकार्न र निष्कपट माफी दिन पनि आह्वान गरे।

पछिल्लो समय कोरिया र जापानबीचको सम्बन्ध बिग्रँदो अवस्थमा छ |

जापानले हालै दक्षिण कोरियाको निर्यातमा प्रतिबन्ध लगाएको थियो र विश्वव्यापी राष्ट्रहरूको ह्वाइटलिस्टबाट हटाएकाले कोरियामा जापानी प्रधानमन्त्री आवेलाई लक्षित गरि ‘नो आबे’ आन्दोलन भैरहेको छ |