कोरियामा जड्याहा कूटनीतिज्ञ पक्राउ

सोल-दक्षिण कोरियामा एक रूसी कूटनीतिज्ञ लाई मादक पदार्थ सेवन गरि सवारी चलाएको आरोपमा पक्राउ गरी मुद्दा दर्ता गरिएको छ।

नाम्देमुन पुलिस स्टेशनले जनाए अनुसार रूसी कूटनीतिज्ञले चलाएको गाडी सोलको जङ गुमा रहेको प्राचीन जोसेन शाही दरबार करिब ९:४० बजेतिर देवकु सुङगुङको अगाडि सडकको छेउमा रहेको रूखमा ठोक्किन गई दुर्घटनाग्रस्त भएको थियो।

एक स्वास्थ साइट परीक्षणले रुसी कूटनीतिज्ञको रगतमा मदिराको मात्रा ०.२८९ प्रतिशत देखाएको थियो। सामान्यतया कानुनी सीमा ०.०८ प्रतिशत वा सो भन्दा बढी मदिराको सेवन गर्ने सवारीचालकहरूको सवारी लाइसेन्स खारेज गर्ने गरेको छ।

कोरियन पुलिसले रुसी कूटनीतिज्ञलाई घर फर्कन अनुमति दिएको छ र कोरियामा रहेको रूसी दूतावासबाट परराष्ट्र मामिला मन्त्रालयमार्फत अनुसन्धानमा सहयोगको अनुरोध गरेको छ।