कोरिया घुम्न आएकी बिदेशी महिला मृत

सोल-दक्षिण कोरिया घुम्न आएकी एक बिदेशी महिला मृत अवस्थामा फेला परेकी छिन |

साथीहरुसंग बिदा मनाउन कोरियाको दक्षिणी टापु जेजुदो समुन्द्री तटमा घुम्न आएकी चीनिया महिला आइतबार मृत अवस्थामा फेला परेकी छिन्।

उनी तीन दिनदेखि बेपत्ता थिईन।

स्थानीय प्रहरी प्रमुख पार्क मी ओका अनुशार जिन भनेर पहिचान भएको ३६ बर्षीय उनको मृत शरीर जेजुको खुला समुद्री माछा फार्मको नजिक चट्टानमा फेला परेको थियो।

आफ्ना केटा साथीसँग बादबिबाद भएपछि जिन टापुको दक्षिणी भागबाट बिहीबार हराइरहेको अनुमान गरिएको छ।

मृत्यु को सही कारण निर्धारित गर्न आज सोमबार शरीरको पोस्टमार्टम गर्ने योजना बनाइएको प्रहरी प्रमुखले जनाएका छन् |