मोदीले सम्बोधन गर्दै भने -‘जम्मु–कश्मीर र लद्दाखमा नयाँ युग सुरु भएको छ’

काठमाडौं-भारतीय प्रधानमन्त्री नरेन्द्र मोदीले बिहीवार राति राष्ट्रको नाममा सम्बोधन गर्दै जम्मु–कश्मीर र लद्दाखमा नयाँ युग सुरु भएको बताएका छन् ।

सम्बोधनका क्रममा मोदीले भने-‘जम्मु–कश्मीर र लद्दाखको विकास त्यस्तो गतिबाट हुन सकेको थिएन, जसरी हुनुपर्ने थियो, व्यवस्थाको यो कमी हट्नुका साथै जम्मु–कश्मीर र लद्दाखका जनताको वर्तमान वर्तमान र भविष्य पनि सुध्रिने छ ।’

संविधानको धारा ३७० र ३५ ए ले जम्मु–कश्मीरलाई आतंकवाद, अलगाववाद, भ्रष्टाचारभन्दा अरु केही नदिएकोले खारेज गरिएको पनि बताएका थिए । उनले पटेल, अम्बेडकर, श्यामप्रसाद मुखर्जी, अटलजी र करोडौं जनताको सपना अब पूरा भएको पनि भाषणको क्रममा बताए ।

जम्मु–कश्मीर र लद्दाखका जनता यसअघि विकास र अधिकारबाट टाढा भए पनि अब त्यस्ता सबै समस्या हटेको मोदीको दावी थियो |