भारत-पाकिस्तान तनाव बढ्ने संकेत,भारतीय उच्च आयुक्त पाकिस्तानबाट निकाला

नयाँ दिल्ली : जम्मु कश्मिरको विषयमा भारतीय सरकारले चालेको कदमको ठाडो विरोध गरिरहेको पाकिस्तानले दुई देशबीचको कुटनीतिक सम्बन्ध झन् कमजोर बनेको संकेत दिएको छ।

पाकिस्तानस्थित भारतीय उच्च आयुक्त अजय बासरियालाई निकाला गर्दै त्यहाँको सरकार खह्रो उत्रिएको हो। यो विवादपछि भारतका लागी नवनियुक्त पाकिस्तानी उच्च आयुक्तले पनि जिम्मेवारी सम्हाल्ने छैनन्।

पाकिस्तानका प्रधानमन्त्री इमरान खानले भारतसँगको व्यापारिक सम्बन्ध पनि तोडेको अन्तर्राष्ट्रिय सन्चार माध्यमले जनाएका छन्।

पाकिस्तान र भारतबीचको कुटनीतिक सम्बन्ध यसअघि सन् १९६५ र १९७१ मा पनि तोडिएको थियो। यसको मतलब दुवै देशले एकअर्का देशमा रहेका आफ्ना कुटनीतिक अधिकारीहरुलाई फिर्ता बोलाउने छन्।