उत्तर कोरियाले २ अर्ब डलर चोरेको आरोप

एजेन्सी- उत्तर कोरियामाथि साइबर हमला गरी २ अर्ब डलर चोरेको आरोप लगाइएको छ ।

एउटा गोप्य राष्ट्रसंघीय प्रतिवेदनले उत्तर कोरियाले उच्च स्तरका साइबर आक्रमण गर्दै आफ्ना हातहतियार परियोजनाका लागि झन्डै २ अर्ब डलर अवैध रूपमा जुटाएको आरोप लगाएको स्रोतलाई उद्धृत गर्दै बीबीसीले जनाएको छ ।

विज्ञहरूको एउटा समूहले वित्तीय संस्था तथा क्रिप्टोकरेन्सी भनिने डिजिटल मुद्रा सटही गर्नेहरूसँग करिब ३५ वटा साइबर आक्रमणबारे अनुसन्धान गरिरहेका छन् ।

अमेरिका र दक्षिण कोरियालाई चेनावनी दिने उद्देश्यले उत्तर कोरियाले पछिल्लो समयमा लगातार क्षेप्यास्त्र परीक्षण गरिरहेको छ ।