भारतीय प्रधानमन्त्री मोदीलाई धन्यवाद दिएको ३ घण्टामै पूर्व विदेश मन्त्री स्वराजको निधन

काठमाडौं-भारतकी बिजेपी नेता तथा पूर्व विदेश मन्त्री स्वराजको निधन भएको भारतीय संचार माध्यमले जनाएका छन् |

६७ वर्षीया स्वराजको भारतको अल इन्डिया इन्स्टिच्युट अफ मेडिकल साइन्सेस (एआईएमएस) मा मंगलबार राति निधन भएको हिन्दुस्तान टाइम्सले लेखेको छ |

उनलाई राति १० बजेर २० मिनेटमा एआईएमएसको इमर्जेन्सीमा पुर्‍याइएको थियो। अस्पताल पुर्‍याउँदा उनको निधन भइसकेको जनाइएको छ |

मृत्यु हुनु अघि स्वराजले भारतीय प्रधानमन्त्री नरेन्द्र मोदीलाई धन्यवाद दिएका थिए | प्रम मोदीलाई धन्यवाद दिएको ३ घण्टा भित्रै स्वरजको निधन भएको हो |

उनको मृत्यु हृदयाघातका कारण भएको भारतीय आनलाइनले जनाएका छन ।

सन् २०१६ मा मिर्गौला प्रत्यारोपण गरेकी स्वराजले स्वास्थ्य समस्याकै कारण गएको लोक सभा चुनाव लडेकी थिइनन्।