उत्तर कोरियाको मिसाईल कच्चा खालका – अमेरिकी राष्ट्रपति ट्रम्प

सोल- अमेरिकी राष्ट्रपति डोनाल्ड ट्रम्पले उत्तर कोरियाले हालै लगातार प्रहार गरेका क्षेप्यास्त्रहरु कच्चा खालको भएको बताएका छन् |

उत्तर कोरियाले छोटा दूरीका क्षेप्यास्त्रहरु विभिन्न समुन्द्रमा प्रहार गरिरहेका बेला अमेरिकी राष्ट्रपति ट्रम्पले ती क्षेप्यास्त्रहरु कच्चा र निम्न स्तरका रहेको प्रतिक्रिया दिएका हुन् |

पत्रकारहरुले सोधेको प्रश्नको जवाफमा राष्ट्रपति ट्रम्पले उत्तर कोरियाको मिसाईल छोटो दुरी मात्रै कायम गर्न सक्ने र निम्न स्तरको भएकाले आफुलाई कुनै चिन्ता नभएको बताए |

ट्रम्पले पत्रकारको जवाफ दिदै भने ‘म चिन्तित छैन, कदापि छैन ।’

उत्तर कोरियाले दक्षिण कोरिया र र संयुक्त राज्य अमेरिका बीचको योजनाबद्ध सैन्य अभ्यास गरेको भन्दै चेतावनी स्वरूप जापानी समुन्द्रमा छोटो दूरीका मिसाइलहरू प्रहार गरेको थियो।