उत्तर कोरियाले एकै दिन दुई क्षेप्यास्त्र प्रहार गर्यो

सोल- उत्तर कोरियाले एकै दिन दुई क्षेप्यास्त्र प्रहार गरेको छ | उसले बिहीबार बिहान छोटो दुरीका दुई क्षेप्यास्त्र सि अफ जापानमा प्रहार गरेको हो ।

दक्षिण कोरियाली समाचार संस्थाहरुले जनाएर अनुसार सो क्षेप्यास्त्र ५० किलोमिटरको उचाइमा पुगेर ४ सय ३० किलोमिटरका दुरीमा समुद्रमा खसेको थियो ।

उत्तर कोरियाले पूर्वी शहर वन्सानबाट सो क्षेप्यास्त्र प्रहार गरेको थियो । पहिलो क्षेप्यास्त्र स्थानीय समय अनुसार बिहानको ५ बजेर ३४ मिनेटतिर प्रहार गरिएको हो भने दोस्रो त्यसको २३ मिनेटपछि प्रहार गरिएको थियो ।

दक्षिण कोरिया र अमेरिकाले युद्ध अभ्यास गर्ने योजना सार्वजनिक गरेकाे केहि दिनमै उत्तर कोरियाले समुन्द्रमा दुई क्षेप्यास्त्र प्रहार गरेको हो |

उत्तरले क्षेप्यास्त्र प्रहार गरेसंगै नेता किम जोङ उन र अमेरिकी राष्ट्रपति डोनाल्ड ट्रम्पकाबीचमा भएको परमाणु निशस्त्रीकरण वार्तामा नयाँ शंका उत्पन्न गराएको छ ।