साउदीलाई हतियार बेच्न ट्रम्पको भिटो

साउदी राजकुमार सलमान र ट्रम्प तस्बिरमा।

वासिङ्टन- साउदी अरेबियालाई हतियार बेच्नकै लागि ट्रम्पले अमेरिकी कँग्रेसमा भिटो प्रयोग गरेका छन्।

८.१ अर्ब अमेरिकी डलर बराबरका हतियार बेच्नका लागि ट्रम्पले आफ्नो संवैधानिक शक्ति प्रयोग गरेका हुन्।

कँग्रेसले अमेरिकी सरकारको निर्णयलाई अस्वीकार गरेको थियो।

तर कँग्रेसको निर्णयभन्दा शक्तिशाली संवैधानिक अधिकार भिटो प्रयोग गर्दै ट्रम्पले साउदी अरेबियालाई हतियार बेच्ने आफ्नो निर्णय सदर गरेका हुन्।

अमेरिकाबाट किनिएका हतियार साउदीले यमन युद्धमा प्रयोग गर्नसक्ने भन्दै कँग्रेसले ट्रम्पको हतियार बेच्ने योजना जायन नभएको बताएको थियो।

सांसदहरु ट्रम्पको विपक्षमा उभिएका थिए। तर अब अमेरिकले साउदीलाई हतियार बेच्न पाउने छ।

अमेरिकी सांसदहरुले यमनमा साउदी अरेबियाको भूमिकालाई लिएर प्रश्न गरिरहेका छन्। गत वर्ष साउदीका पत्रकार जमाल खसोग्जीको हत्या भएको विषयमा साउदी सरकार नै दोषी भएको विषयहरु बाहिरिएका छन्।

तर ट्रम्पले भने साउदी अरेबियाको खुलेर आलोचना गरेका छैनन्। बीबीसी