कोरियाको सर्बोच्च अदालतको निर्णय – ‘बिदेशी श्रीमतीहरु सम्बन्ध बिच्छेद भए पनि फर्कनु पर्दैन’

सोल- बैबाहिक भिसामा दक्षिण कोरिया आएका बिदेशी महिलाहरुको पक्षमा नयाँ कानुन लागु भएको छ |

बिभिन्न देशबाट बिबाह गरेर आएका बिदेशी महिलाहरु माथी घरेलु हिँसा बढेपछि यहाँको सर्बोच्च अदालतले
सम्बन्ध बिच्छेद पछि पनि कोरियामै बस्न पाउने नयाँ कानुन बनाएको हो |

म्यारिज ब्युरोबाट आएका कतिपय बिदेशी महिलाहरु भाषा ,संस्कार संस्कृति नजानेको भन्दै घरेलु हिंसामा पर्दै आएका छन् |

केही दिन अघि मात्र एक कोरियन पुरुषले भियतनामी श्रीमतीलाई लगातार तीन घण्टा कुटपिट गरेको समाचार बाहिर आएको थियो |

यो घटना लगतै सर्बोच्च्च अदालतले बिदेशी श्रीमतीहरुलाई सम्बन्ध बिच्छेदपछि पनि कोरियामै बस्न सक्ने नियम पारित गरेको  हो |

घटनालाई लिएर प्रधानमन्त्री ली नाक ओले भियतनामका सार्वजनिक सुरक्षा मन्त्रीसंग माफी मगेका थिए |

नयाँ नियम अनुसार सम्बन्धविच्छेद पछि बिदेशी श्रीमतीहरुले कोरियामै बस्नुको लागि केही सर्तहरु  पुरा गर्नुपर्ने हुन्छ |

कोरियामै बस्नुलाई बिदेशी श्रीमतीहरुले सम्बन्धबिचेद हुनुमा श्रीमानकै दोष भएको प्रमाणित हुनुपर्ने छ |

श्रीमानको दोष बारे सम्बन्धित जिल्ला अदालतले प्रमाणित गरेको हुनुपर्ने छ |