कोरियामा महिलाको फोटो खिच्ने पत्रकारले दिए राजिनामा

सोल-दक्षिण कोरियामा महिलाको फोटो खिचेको आरोप लागे पछि एक जना टिभी पत्रकारले आफ्नो पदबाट राजिनामा दिएका छन् |

सोल ब्रोड्कस्टीङ्ग सिस्टम ( एसबीएस ) का सिनियर समाचार बाचक तथा कार्यक्रम प्रस्तोता किम सुङ्ग जुनले डिजिटल क्यामराले महिलाको नग्न भाग फोटो खिचेको आरोप लागेपछि आफ्नो पदबाट राजिनामा दिएका हुन् |

कोरियाली समाचार एजेन्सी योन्हपले जनाए अनुसार ५५ बर्षिय कीमले योङ्गदम्फ़ु रेल स्टेसनमा गतहप्ता राती ११:५५ मा एक जना महिलाको शरीरको आधा भाग फोटो खिचेका थिए |

पत्रकार कीमले आरोप झुटो भएको बताए पनि प्रहरीले उनको मोबाइलमा नग्न तस्बिर भेटाएको थियो |

कोरियाली कानुनमा व्यक्तिगत गोपनियताको नियम १४ अनुसार अनुमति बिना फोटो वा भिडियो खिचेमा ५ बर्षसम्म जेल १० लाख रुपैयाँ सम्मको जरिवाना हुने उल्लेख छ |