कोरियामा बिदेशी श्रीमती घरेलु हिंसामा

सोल- दक्षिण कोरियामा बैबाहिक भिसामा आउने बिदेशी महिला माथि घरेलु हिँसा अझै रोकिएको छैन | कोरियन पुरुषसंग बिबाह गरेर आउने बिभिन्न देशका महिलाहरु मध्ये ५० प्रतिशत घरेलु हिंसामा पर्ने गरेको एक प्रतिवेदनमा उल्लेख छ |

त्यहाँको राष्ट्रिय मानब अधिकार आयोगले गरेको अध्ययन अनुसार बिदेशी महिलाले बिभिन्न प्रकारको घरेलु हिँसा भोग्दै आएका हुन् |

आयोगले कोरियन पुरुषसंग बिबाह गरेर आएका विभिन्न देशका ९ सय २ जना बिदेशी महिला माथि गरेको अध्ययन अनुसार १० जना मध्ये ४ जना घरेलु हिँसामा पर्ने गरेका हुन् |

बिभिन्न देशबाट बिहे गरेर ल्याइएका ती महिलालाई कोरिय बसाइ कस्तो छ भनि सोधिएको प्रश्नमा १० जना मध्ये ४ जनाले पारिबारिक हिंसा(कुटपिट)भोगेको बताएको छन् |

आफु माथि हुने हिँसाको बयान दिंदै ती महिलाहरुले मुड्कीले हिर्काउने,खुट्टाले हान्ने, नराम्रो गाली गर्ने, हतियारले समेत चलाउने गरेको बताएका छन् |

पीडित मध्ये गालीगलौज भोग्ने ८१ प्रतिशत, कुटपिट ३८ प्रतिसत, हतियार २० प्रतिशत रहेका छन् | प्रतिवेदनमा अन्याय भोग्ने ३ जना मध्ये न्यायको लागि १ जनाले मात्र सहयोग माग्ने गरेको बताएको छन |

अन्य पीडित महिलाले भने न्याय माग्ने निकाय थाहा नपाएर उजुरी नगरेको बताए | कहिले भने ‘कोरियनहरु कोरियन कै पक्ष् लिन्छन भन्ने ‘ लागेर सहयोगको लागि पहल नगरेको बयान दिएका छन् |

घरेलु हिँसा पिडित बिबाहित प्रवासी महिला आकस्मिक हट लाइन सेवा भए पनि भाषाको कारण र श्रीमानले बदला लिने डरले उजुरी गर्न नसकेको प्रतिवेदनमा उल्लेख छ |