उत्तर कोरियाको भुमी टेक्ने ट्रम्प पहिलो राष्ट्रपति

सोल- अमेरिकी राष्ट्रपति डोनाल्ड ट्रम्प उत्तर कोरियाली भुमी टेक्ने पहिलो अमेरिकी राष्ट्रपति भएका छन् |

जापानमा भएको जी ट्वेन्टी सम्मेलन सकेर दक्षिण कोरिया भ्रमणको क्रममा अमेरिकी राष्ट्रपति ट्रम्पले आइतबार उत्तर कोरियाली नेता किम जोङ्ग उनले दुई कोरियाबीचको असैनिक क्षेत्रमा स्वागत गरेका हुन् |

दुइ कोरियाको सिमानामा रहेको गाउँलाई स्वतन्त्र घर भनिएको छ । त्यहाँ उनीहरूको भेट भएको हो । किमसँगको भेटमा ट्रम्पले भने, ‘यो भूमिमा पाइला टेक्दा गौरव अनुभव भएको छ । यो संसारका लागि एक महान् दिन हो ।’

किमले पनि खुसी व्यक्त गर्दै भने, ‘विगतको दुर्भाग्यलाई समाप्त गरी नयाँ भविष्यको ढोका खोल्ने समयका रूपमा यो भेट भएको छ ।’

ट्रम्पले भेटमा आफूले किमलाई अमेरिका भ्रमण गर्न निम्तो दिइरहेको बताए । किमले उचित समयमा उत्तर कोरियाली राजधानीको भ्रमण ट्रम्पले गरे त्यो आफूहरूका लागि सम्मानको विषय हुने अनुवादकमार्फत भन्न लगाएका थिए ।

सन् १९५३ मा कोरियाली युद्धयता पूर्वअमेरिकी राष्ट्रपति रोनाल्ड रेगनले युद्धविराम लाइनको भ्रमण गरेका थिए । जर्ज एच डब्लू बुसले उपराष्ट्रपतिका रूपमा भ्रमण गरेका थिए ।