कोरियामा नेपाली बिद्यार्थीले गरे बिबिध कार्यक्रम

सोल-नेपाली बिद्यार्थी समाज दक्षिण कोरियाले बिबिध सांस्कृतिक कार्यक्रमको आयोजना गरेको छ।
मेंगदोंगस्थित ग्लोबल कल्चर सेण्टरमा आइतबार आयोजित कार्यक्रममा संस्थाले नेपाली खानाको परिकार पनि समाबेश गरेको थियो।
नेपाली मौलिक संस्कृति र संगीत प्रस्तुत गरिएको कार्यक्रममा बिद्यार्थीहरुले प्रस्तुति मार्फ़त मनोरन्जन प्रदान गरेका थिए।
कार्यक्रमलाई सुभकामना दिदै नेपाली दूतावासको कार्यबाहक राजदूत किरण शाक्यले बहुसंख्यक संस्कृति र बिबिधताले नेपालीहरु धनि रहेको बताए।
कार्यक्रममा निर्जला कोइरालाले एकल नृत्य प्रस्तुत गरिन् भने अनिशा ढकाल र करुणा रिजालको जोड़ीको साथै सुजता बस्नेत र प्रकाशराज पाण्डेयको जोड़ीले युगल नृत्य देखाए।
मनोरन्जन चरणमा सुजता बस्नेतले डाली डालीमा बोलको गीत गाएर सबैको मन जितिन भने प्रकाश राज पाण्डेय र टंकिंग बास्तोलाले मिक्स्ड नेपाली गीत गाए।
त्यस्तै तुल्सी पौडेल,ठाकुर ढकाल ,बलदेव भट्टराई,दिवस भण्डारी र आशीष पोखरेलले नेपथ्यको गीत मार्फ़त मनोरन्जन गराए।
नेपाली पहिरनहरुको शो समेत गरिएको कार्यक्रममा रमाकान्त लामिछाने, टंकिग बास्तोला र राजू गुरुङ्गले नृत्य पस्किए।
नेपाली कला,संस्कृति र परम्पराको प्रवर्धन गरि बिदेसमा नेपाली मौलिकता देखाउन लागेको बताउदै सोनसिक सभापति इन्दिराले सहयोगी सबै प्रति आभार प्रकट गरिन्।