जापानमा विदेशी विद्यार्थीलाई ग्रीन कार्ड

काठमाडौं-जापानमा बिदेशी बिध्यार्थीहरुले ग्रीन कार्ड आवेदन गर्न पाउने भएका छन् | प्रधानमन्त्री सिन्जो आवेले जापानमा अध्ययनरत विदेशी विद्यार्थीहरुका लागि स्थायि वसाेवास तथा रोजगारीको विषयमा नयाँ नीति अवलम्वन गरिने जनाएका हुन् ।
जापानको कोउगाकु सिन्वुनमा प्रकाशित समाचारका अनुसार प्रधानमन्त्री अवेले आगामी आर्थिक वर्षदेखि लागू हुने गरि नयाँ नियम कार्यान्वय गर्ने जनाएका छन् । नयाँ नियममा विद्यार्थीहरुका लागि ग्रिन कार्ड लागू गरिने भएको हो ।
समाचारमा जनाइए अनुसार हालको पाँच वर्ष काम नगरी स्थायी बसाेवासको आवेदन दिन नपाईने नियमलाई संशाेधन गरि छोटो पारिने भएको छ ।
यस्तै रोजगारीका सवालमा जापानमा अध्ययनरत विदेशी विद्यार्थीहरुका लागि ५० प्रतिशतसम्म बढाउन विशेष योजना ल्याईने भएको छ ।प्रधानमन्त्री आवेले जापानलाई अध्ययन गन्तव्य बनाएर आएका विदेशी विद्यार्थीहरुलाई राेजगारी दिए जापानकाे विकासमा समेत टेवा पुग्ने विश्वास लिएको पत्रिकाले जनाएको छ ।