कोरियामा ५७.२ प्रतिशत जनता विभिन्न स्वास्थ समस्यामा

सोल

दक्षिण कोरियामा हालै गरिएको स्वास्थ्य सम्बन्धि अध्ययनमा ५७.२ प्रतिशत जनता विभिन्न किसिमका स्वास्थ्य समस्यामा देखिएका छन |

कोरियाको राष्ट्रिय स्वास्थ्य बिमा संथाले जनाए अनुसार १० जना मध्धे करिब ६ जनामा विभिन्न स्वास्थ्य समस्या देखियो |सन २०१५ मा कोरियाको स्वास्थ्य नतिजामा विभिन्न रोगबाट ग्रसित हुनेको संख्या यो अनुपातमा देखिएको हो | जसमा १८.७ प्रतिशत पूर्ण रुपमा रोगले ग्रसित छन भने ३८.५ प्रतिशत कुनै कुनै रोगले केहि मात्रामा रोगि छन |

कुल जनातामा ७.९ प्रतिशत मात्र पूर्ण रुपमा स्वस्थ छन |त्यस्तै बाकि ३४.९ प्रतिशत पनि एक दुई वोटा समस्या बाहेक स्वस्थ नै छन |

गत वर्ष कोरियामा गरिएको १ करोड ३२ लाख जनातामा गरिएको स्वास्थ परिक्षणमा ४ लाख ७९ हजारमा उक्त रक्तचाप र मधुमेहको समस्या देखियो |

उमेर अनुपातमा हेर्दा २० वर्ष भन्दा मुनि उमेरका ७४ प्रतिशत जनता स्वस्थ देखिए भने ७० वर्ष भन्दा माथि ५४ प्रतिशत जनता रोगि देखिएको आजको योन्हाप समाचार एजेन्सीले उल्लेख गरेको छ |