विना अनुमति सिड्नीमा भ्रमण वर्ष २०२० को र्‍याली निकाल्न लागेपछि मन्त्री भट्टराईकाे कार्यक्रममा राेक

काठमाडौं -पर्यटनमन्त्री योगेश भट्टराई सहभागी हुने नेपाल भ्रमण वर्ष २०२० को र्‍याली  सिड्नी प्रहरीले राेक लगाएकाे छ।र्‍यालीकाे लागि भट्टराई दुइ दिन अघि अष्ट्रेलिया पुगेका थिए।

मन्त्री भट्टराई, अष्ट्रेलियाका लागि नेपाली राजदूत महेशराज दाहाल लगायतका सहभागीहरु र्‍याली सुरु गर्न ठिक्क परेको बेला सिड्नी सिटी काउन्सिलले रोकेको हो ।

र्‍यालीका लागि अनुमति नलिएको तथा र्‍याली व्यवसायिक लाभका लागि भएको न्यू साउथ वेल्स प्रहरीले बताएको छ । र्‍यालीमा सहभागीहरुको संख्या ठूलो भएको र यसले पैदलयात्रीलाई अवरोध गर्ने समेत प्रहरीको तर्क थियो ।