बिहान उठेर यसो गर्नुहोस

१-पानी पिउनुहोस

शरीरलाई स्वस्थ र फिट राख्नको लागि पानीको महत्वपूर्ण भूमिका हुन्छ । मानव शरीरमा पानीको मात्रा ५० देखि ६० प्रतिशतसम्म हुन्छ । पानीले शरीरका अंगहरुको रक्षा गर्छ । कोशिकाको माध्यमबाट शरीरभरि पोषक तत्व र अक्सिजनको सञ्चार गर्न पानीले सहयोग गर्दछ ।

पानीले हाम्रो शरीरको तापक्रमलाई पनि नियन्त्रण गर्दछ । बिहान उठ्नेबित्तिकै हाम्रो शरीरलाई पानीको अत्यधिक आवश्यकता हुन्छ । बिहान उठ्नेबित्तिकै पानी पिउने बानी गर्नाले हाम्रो शरीरमा भएका अनावश्यक पदार्थहरु निकाल्न मद्दत गर्दछ । जसले गर्दा हाम्रो रगत सफा हुन्छ र छाला पनि चम्किलो बन्दै जान्छ ।

२- मुस्कान सहित बिहानी शुरु गर्नुहोस

दिनको संकेत बिहानीले गर्छ । प्रभातकालीन समयमै हामीले राम्रो काम स्फूर्तिका साथ गर्न सक्यौँ भने दिनभरि ‘फ्रेस्ड’ महसुस गर्न सक्छौँ ।

३-ध्रूमपान नगर्नुहोस

हुन त धूमपान जुनसुकै समयमा गर्नु स्वास्थ्यको लागि हानिकारक हुन्छ नै, तै पनि बिहान उठ्नेबित्तिकै चुरोट पिउनु धेरै खतराजनक हने गर्दछ । यसरी चुरोट पिउँदा क्यान्सर हुने सम्भावना धेरै बढेर जान्छ ।

४- मसलेदार खाना नखानुहोस

बिहानै मसलेदार खाना खानबाट हामी जोगिनुपर्छ । बिहानीको समय जतिसक्दो हल्का र पौष्टिक खाना खाने गर्नुपर्दछ ।

६-निद्रा पुगेपछि नसुत्नुहोस

निद्रा पुगेपछि पनि अल्छी मानेर सुतिरहने बानी छ भने छोडिदिनुहोस् । समयले पर्खिँदैन । ‘बेड’मा नै बसिरहने बानी गर्नु नराम्रो हो । यस्तो बानीले तपाईंलाई निद्रा पूरा हुँदा पनि ‘फ्रेस्ड’ गराउँदैन ।

७ -दैनिक व्यायाम गर्नुहोस

फिटनेसको लागि जीममा पैसा खर्च गरेर पैसा र समय बर्बाद गर्नुभन्दा घरमा नै बसेर व्यायाम गर्नु
फाइदाजनक हुन्छ ।

जिम नै जान अनिवार्य छैन

एक अध्ययनका अनुसार घरैमा बसेर मन पर्ने गीतमा १० मिनेट डान्स गर्नाले पनि फिट रहन मद्दत मिल्छ । दैनिक बिहान १० मिनेट नाच्ने गर्नाले तपाईंको शरीरमा लचिलोपन ल्याउन मद्दत गर्दछ । नाच्नाले शरीरमा रक्तसञ्चार प्रक्रिया राम्रो हुन्छ र ऊर्जा बढ्छ ।

त्यस्तै, नाच्दा निक्लिने पसिनाले शरीरमा भएको विषालु पदार्थलाई बाहिर निकाल्न मद्दत गर्छ भने बिहान उठेर स्किपिङ खेल्ने गरेमा फिट रहनका लागि मद्दत गर्छ । यसरी स्किपिङ खेल्दा शरीरमा भएको अनावश्यक क्यालोरी घट्न जान्छ र हाड बलियो बनाउन मद्दत पुग्दछ । एक मिनेट स्किपिङ गर्दा १० देखि १६ क्यालोरीसम्म ऊर्जा खर्च हुने हुँदा शरीर सन्तुलित हुन जानुका साथै जोस र स्फुर्ती पनि बढ्न जान्छ ।

यसको अतिरिक्त हामी फिट रहनको लागि बिहानै यात्रा गर्नाले आवश्यक मात्रामा अक्सिजन मिल्छ र शरीरमा क्षतिग्रस्त कोशिकाको लागि उपयुक्त हुन्छ । तपाईं आफ्नै घरमा बसेर योग गरेर धेरै किसिमका रोगलाई हटाई फिटनेश हुन सक्नुहुन्छ ।