डेंगुको सङ्क्रमण बढ्दै, म्याग्दीमा ३८ लम्जुङमा नौ सङ्क्रमित

म्याग्दी – देशमा कोरोना सङ्क्रणसँगै डेंगुको सङक्रमण पनि बढ्न थालेका छ । यसै क्रममा म्याग्दीमा पछिल्लो पटक चार जनामा डेंकुको सङक्रमण फेला परेसँगै सङक्रमित संख्या ३८ पुगेको छ । यस्तै लमजुङमा ढेड महिना अवधिमा नाै जनामा डुेंगु संक्रमण देखिएको छ ।
चालु आर्थिक बर्ष २०७७ /०७८ को साउनदेखि हालसम्म ९ जनामा डेंगु संक्रमण देखिएको स्वास्थ्य कार्यालय लमजुङले जनाएको छ । कार्यालयका प्रमुख अमर दवाडीका अनुसार डेंगु देखिएकोमा महिला ३ जना र पुरुष ६ जना रहेका छन् । छोटो समयमै जिल्लामा डेंगु संक्रमितको संख्या बढेको हो ।
पछिल्लो समय आइतबार र सोमबार एक/एक जनामा डेंगु देखिएको छ । आइतबार मस्र्याङदी गाउँपालिका ६ का ४० बर्षीया महिला डेंगु देखिएको छ । सोमबार बेंसीशहर नगरपालिका १० का ५० बर्षीय पुरुषमा डेंगु पुष्टि भएको लमजुङ जिल्ला सामुदायिक अस्पतालका प्रमुख हेमन्त श्रेष्ठले बताउनुभयो ।

यस्तै म्याग्दीमा शरीरका जोर्नीहरु दुख्ने, उच्च ज्वरो आउने, टाउको दुख्नेजस्ता समस्याको कारण उपचारका लागि आएका चार जना बिरामीहरुको बेनी अस्पतालमा परीक्षण गर्दा डे्रंगु पोजिटिभ भेटिएको हो । अस्पतालका सूचना अधिकारी प्रकाश सुवेदीले दिएको जानकारी अनुसार म्याग्दीका अन्नपुर्ण गाउँपालिका–४ नारच्याङका ३३ वर्षीय पुरुष, अन्नपूर्ण गाउँपालिका–६ पोखरेबगरका ३३ वर्षिय महिला, रघुगंगा गाउँपालिका–२ भगवतिका ६० वर्षिय पुरुष र बेनी नगरपालिका –५ पुलाचौरकी २२ वर्षिय महिला रहेका छन् । सूचना अधिकारी सुवेदीका अनुसार भगवतीका ६० वर्षिय पुरुषलाई थप उपचारका लागि पोखरा रिफर गरिएको छ भने ३ जनाको बेनी अस्पतालमा चिकित्सकको निगरानीमा उपचार भै रहेको छ ।

लमजुङमा चालु आर्थिक बर्षको सुरुवाती महिना साउनमै ३ जनामा डेंगुको संक्रमण देखिएको थियो । भदौमा ६ जनामा डेंगु देखिएको छ । गत बर्ष असार अन्तिममा क्व्होलासोंथर गाउँपालिका वडा नं. २ मालिङ घर भएर बेंसीसहर नगरपालिका वडा नं. ७ घलेगाउँचोक बस्ने २९ वर्षिया महिलामा डेंगु देखा परेको थियो । त्यसपछि संक्रमण बढ्दै गएको छ । एडिस जातको पोथी लामखुट्टेले दिउँसोको समयमा टोक्दा उसको शरिरमा भएको भाइरस मानव शरिरमा सर्ने हुँदा डेङगु रोगबाट बच्न लामखुट्टेको टोकाइबाट जोगिन स्वास्थ्यकर्मीले सुझाव दिएका छन् ।
लामखुट्टेको टोकाइबाट यो रोग एक मानिसबाट अर्को व्यक्तिमा सजिलै सर्न सक्ने भएकाले सचेत रहन स्वास्थ्य कार्यालयले आग्रह गरेको छ । लामखुट्टेको लार्भा नष्ट गर्ने र पानी जम्ने खाल्डा खुल्डी र पानी जम्ने बोटल कागज, प्लाष्टिक नष्ट गर्नुपर्ने कार्यालयका प्रमुख दवाडीले बताए । सफा ठाउँमा सफा पानिमा लामखुट्टेले सन्तानको वृद्धि गर्ने र यसको बासस्थान शहरी क्षेत्रमा वढि हुने हुने बताएका छन् ।
७/७ दिनमा यसको लार्भा उत्पादन हुने भएकाले हरेक सात सात दिनमा पानि जम्ने ठाउँ खोजेर नष्ट गर्ने अभियान संचालन गर्नुपर्ने हुन्छ । प्रत्येक घर घरघरबाट टोल टोलबाट लमखुट्टेको बासस्थान खोजेर नष्ट गर्न सकियो भने यो रोगलाई छिटो नियन्त्रण गर्न सकिने स्वास्थ्यकर्मीहरुले बताएका छन् ।