‘किवी’ एक फाइदा अनेक

पछिल्लो समयमा नेपालमा प्रख्यात फलफूलहरु मध्ये एक हो किवी । झुसिलो देखिने यो फलको सेवनबाट स्वाद त प्राप्त हुन्छ नै, स्वास्थ्यका दृष्टिकोणले पनि यो एकदमै फाइदाकारक फल हो ।

किविबाट एैँसेलु, भुइएैंसेलु, केरा, भुँईकटहरजस्ता फलफुलको स्वाद लिन सकिन्छ । यसको बाहिरी झुस न्युजील्यान्डको राष्ट्रिय चरा किवीको भुवा जस्तो देखिने भएकाले किवी नाम दिइएको हो ।

सन् १९७४ मा यसको औपचारिक नामाकरण भएको थियो । न्युजील्यान्डमा यसको खेती अत्यधिक मात्रामा हुने गर्छ । किवी खेतीको लागि चिसो हावापानी उपयुक्त हुन्छ । किवीको एक स्वस्थ बोटले सय किलोग्रामसम्मको उत्पादन दिन्छ ।

किवीबाट भिटामिन, खनिज र औषधीजन्य तत्व प्राप्त गर्न सकिन्छ । जसको पेटको विभिन्न समस्याबाट बचाउनुका साथै मधुमेह, निमोनिया, दम, रक्तचाप, कोलेस्टेरोललार्य सन्तुलनमा राख्ने काम गर्छ । त्यसै गरि किवीमा क्यालोरिको मात्रा प्रसस्त हुन्छ । त्यसैले यसको नियमित सेबन सेवन गर्दा क्यान्सरजस्तो रोगबाट बचाउनका लागि पनि सहयोग पुर्‍याउछ ।

किवीले छालालाई स्वस्थ राख्न भूमिका खेल्छ । छालासम्बन्धि विभिन्न रोगबाट पनि बचाउँछ । यसले आँखालाईसमेत तन्दुरस्त राख्न भूमिका खेल्छ । यसले आँखाको ‘भिजन लस’बाट पनि बचाउँछ ।

किवीको नियमित प्रयोगले रक्तचाप सन्तुलनमा रहन्छ । त्यसै गरि यसले मुटु रोगको सम्भावनालाई समेत कम गर्छ । तौल घटाउने प्रयासमा हुनुहुन्छ भने किवीको नियमित सेवन फाइदाकारक हुन सक्छ ।

किवीले अनिद्राको समस्या समाधाान गर्नमा पनि अहम भूमिका खेल्छ । यसमा प्रसस्त आइरनको मात्रा हुने भएकाले गर्भवती महिलाहरुको लागि निकै उपयोगी हुन्छ भने किवीले पाचन प्रक्रिायमा पनि महत्वपूर्ण भुभिका निर्वाह गर्छ ।