दूधको सहि प्रयोग गर्न नजाने बन्न सक्छ बिष, कहिल्यै नमिसाउनुस् दूधसँग यी ४ चीज

मानिसले जन्मने वित्तिकै पहिलो पटक सेवन गर्ने खाद्य पदार्थ हो दूध । दूध मानिसको दैनिकीको एक अभिन्न अंग हो । बच्चा हुर्काउन होस या आफ्नो दैनिकी मिठो चियाको चुस्की सँगै सुरु गर्न होस, दूध आवश्यक पर्दछ । मिठा मिठा परिकार बनाएर खाने पारखीहरुको रोजाइमा पनि दूध पर्दछ ।

दूध पिउँदा शरीरलाई अनेकौं फाइदा हुन्छन। यसमा भएको क्याल्सियम, म्याग्नेसियम र भिटामिनले हड्डी बलियो बनाउँछ। तर दूधसँग गलत खानेकुरा खानुभयो भने त्यसले विषको काम गर्छ। दूधसँग के के खानु हुदैन त ? जानौँ न त

१-सुन्तला, अंगुर र कागती

दूध पिउनेबित्तिकै केही मानिस सुन्तला वा कागतीपानी पिउँछन् । पेटमा गएर यी अम्लीय पदार्थले दूध फटाइदिन्छन्। यसकारण पेटमा विषालु पदार्थ उत्पन्न हुन्छ र अनेकौं समस्या आउँछ। अनि यसले रुघाखोकी, कफ र एलर्जीको समस्या आउँछ।

२-मासु

दूध र मासु दुवै भारी पदार्थ हुन् र यिनको एकैचोटि सेवन गर्दा शरीरमा पोषक तत्त्वको अधिकता हुन्छ र पचाउन मुश्किल पर्छ। पाचन प्रक्रिया बिग्रेर एसीडीटीको समस्या आइलाग्छ।

३-माछा

माछा खाएपछि दूध पिउँदा पेटमा अम्ल उत्पन्न हुन्छ र खाना नपच्ने र पेट दुख्ने समस्या आइलाग्छ । यसका अलावा दुबीको समस्या समेत आउन सक्ने विज्ञहरु बताउदछन् ।

४-नून

दूधसँग कुनै पनि नूनिलो खानेकुरा नखानुस् । यसको तत्कालीन असर नदेखिए पनि वर्षौंसम्म यसो गर्दा शरीरमा सेता दागहरू देखिन थाल्छन्।