प्लाज्मा प्रत्यारोपण गरेर कोरोना संक्रमितको सफल उपचार

सोल- दक्षिण कोरियामा कोरोना संक्रमितलाई प्लाज्मा उपचार पद्धति मार्फत सफल उपचार गरिएको छ | कोरोना संक्रमित २ जनाको सफल उपचार गरिएको यहाँको सेभरान्स अस्पतालले जनाएको छ ।

कोरोना संक्रमण उपचारमा भ्याक्सिनको प्रयोग नगरि विरामीहरुलाई सञ्चो बनाइएको यो पहिलो घटना भएको अस्पताल श्रोतले मंगलवार बताएको छ ।

कोरियाली रोग तथा प्रकोप नियन्त्रण केन्द्रका अनुसार ७१ बर्षीय एक पुरुष तथा ६७ बर्षीया महिला उपचार पश्चात घर फर्किएका हुन् ।

उनीहरुमा अन्य विरामीहरुलाई भन्दा फरक पद्धति अपनाएर प्लाज्माको उपचारमा प्रयोग गरिएको उपचार पद्धति प्रयोग गरेर निको बनाएर घर पठाइएको अस्पताल श्रोतले जनाएको हो ।

करिव १२ घण्टामा ५०० मिलि प्लाज्मा स्वस्थ व्यक्तिबाट लिएर कोरोना संक्रमितहरुमा प्रत्यारोपण गरिएको थियो ।

सुरुमा ज्वरो मात्र आएका ती मानिसहरुमा पछि फोक्सोमा निमोनिया देखिएको थियो तर प्लाज्मा उपचार पश्चात उनीहरु विलकुल स्वस्थ भएको पनि अस्पताल श्रोतले बताएको छ ।