आँखाको ज्योती जोगाउन खानुस् यी खानेकुरा

आँखाका बारेमा धेरै साहित्यकारले साहित्य लेखेका छन् । कति आँखामा डुवेका छन् त कतिलाई आँखाको तालमा पौडी खेल्न मन लाग्छ ।

तपाई हामी पनि यदी कसै लाई प्रथम पटक भेट्दा अवश्य उसका अथवा उनका आँखामा नै हेर्छौँ अथवा हेर्न लजाएर नजर झुकाउदछौँ ।

सोच्नुस् त यदि हामी सँग यति सुन्दर आँखा नभए के होला ? अथवा सोच्नुस् त यदि खाउँ खाउँ र लाउँलाउँ को उमेरमा आँखाको ज्योति गुम्यो भने बाँकी जिन्दगी कसरी विताउने ?

वास्तवमा यी प्रश्नहरुका जवाफ हामीले चिताए भन्दा विलकुलै डरलाग्दा छन् । अतः सहि समयबाट नै सहि खाद्य शैलीलाई अपनाउनु जरुरी छ ।

आँखाको ज्योती राम्रो बनाउन घरेलु खानेकुरामा ध्यान दिन आवश्यक छ । पावरवाला चस्मा लगाउनेले समेत यी खानेकुरा खाने हो भने दृष्टिमा सुधार आउने अध्ययनले देखाएको छ । त्यसकारण घरमै पाइने यी सामग्रीबाट प्राकृतिक रूपमै आँखाको ज्योति राम्रो बनाउनुहोस :

१-हरियो तरकारी

हरियो सागसब्जीमा पाइने भिटामिन लगायतका पोषकतत्वले आँखाको ज्योती राम्रो बनाउन सहयोग गर्छ ।

२- जिरा

जिरा र मिस्री बराबर मात्रामा लिएर राम्रोसँग पिस्ने र एक चम्चा घिउसँग दिनहँु खाने ।

३- सुकुमेल

तीनचारवटा सुकुमेल र एक चम्चा सुपलाई राम्रोसँग पिस्ने र एक ग्लास दूधसँग दिनहँु पिउने ।

४- अमला

अमला पकाएर तयार पारेको गुलियो अचार दिनमा दुई पटक खानाले आँखाको ज्योति बढ्छ ।

५- ग्रिन टी

दिनमा दुईतीन कप ग्रिन टी पिउनाले यसमा भएको एन्टिअक्सिडेन्टले आँखा तेजिलो बनाउँछ ।

६- सुप

एक चम्चा सुप, दुईवटा हाडेबदाम र आधा चम्चा मिस्रीलाई राम्रोसँग पिसेर राति सुत्नुअघि एक ग्लास दूधसँग पिउने गर्नुपर्छ ।

७-हाडेबादाम

राति छसातवटा हाडेबदाम पानीमा भिजाउने र बिहान खाने गर्नाले आँखाको पावर ठीक हुँदै जान्छ ।

८-तोरीको तेल

राती सुत्नुअघि तोरीको तेलले टाउको दिनहँु मालिस गर्दा पनि आँखाको ज्योति ठीक हुन्छ ।

यीनका अलावा माछा, गाँजर, गेडागुडी जन्य खानेकुरा, दुध, अण्डा, जैतुन, गाँजर, सुन्तला तथा अन्य फलफूलहरुको नियमित प्रयोगले समेत आँखाको ज्योतिलाई लामो समयसम्म टिकाउन सहयोग गर्दछ ।