कोरोना सामाग्री खरिदमा अनियमितता भएको छैन -स्वास्थ्य मन्त्रालय

काठमाडौँ- स्वास्थ्य तथा जनसंख्या मन्त्रालयले कोभिड १९ को उपचारका लागि आवश्यक स्वास्थ्य सामाग्री तथा औजार खरिदमा अनियमितता नभएको स्पष्ट पारेको छ । स्वास्थ्य मन्त्रालयमा भएको पत्रकार सम्मेलनमा स्वास्थ्य सेवा विभागका महानिर्देशक महेन्द्र श्रेष्ठले सामान खरिदमा कुनै अनियमितता नभएको दाबी गरेका हुन् । विश्वभर कोरोना भाइरसको संक्रमण फैलिएको र यसको जाँचका लागि आवश्यक औषध र औषधीजन्य सामान अभाव भएको भन्दै उनले अभावकाबीच किन्दा मुल्य केही बढी हुन सक्ने बताए ।

सामान खरिदका लागि टेण्डर आव्हान गर्दा पनि ल्याउन सक्ने अवस्था नभएको र लकडाउन पनि सुरु भईसकेकाले २४ घण्टाभित्र समय दिएर सबै सप्लायर्स बोलाएर छलफल गरेको रा छलफलमा ५ ÷६ जनाले मात्रै छ भने पनि २ वटाको मात्रै प्रस्ताव परेपछि नेगोसियसनका आधारमा सरकारले सामान किनेको उनले स्पष्ट परे ।

पत्रकार सम्मेलनमा मन्त्रालयका प्रवक्ता डाक्टर विकास देवकोटाले आकस्मिक सेवामा आएका विरामी फर्काउने अस्पतालाई मन्त्रालयले कारवाही गर्ने बताए । विभिन्न ठाउँमा सामान्य ज्वरो खोकी लागेका विरामीले पनि उपचार नपाउने र अस्पतालले गेटबाट नै फिर्ता गराउने गरेको विषय तर्फ मन्त्रालयको ध्यानाकर्षण भएको भन्दै उहाँले त्यसो नगर्न निजी अस्पतालहरुलाई आग्रह गरेका छन् ।

आकस्मिक सेवा लिन आएका विरामीलाई नर्फकाउन र स्वास्थ्य सेवा प्रदान गर्न सबैलाई अपिल गर्दे उनले मन्त्रालयलाई कडा र थप कदम चाल्न बाध्य नबनाउन आग्रह गरेका छन् । स्वास्थ्य मन्त्रालयले खरिद गरेका र चिनिया दुतावास, सिचुवान प्रान्त,अलिबाबा लगायतबाट अनुदानमा आएका व्यक्तिगत सुरक्षा सामाग्री र प्रयोगशालामा नमुना परीक्षणका लागि प्रयोग हुने सबै सामानलाई तत्काल वितरण गरिने पनि उनले बताए ।

यसैबीच, मन्त्रालयले हाम्रो स्वास्थ्य नामको एप्लिकेसन सञ्चालनमा ल्याएको छ । यसमा सोधपुछ गर्नुको साथै लक्षण राखेर जोकसैले कोरोना भाइरसको स्वमुल्यांकन गर्न सक्ने तथा, अस्पतालको विवरण, नमुना परीक्षण लगायतको जानकारी प्राप्त गर्न सकिने उनले जानकारी दिए । मन्त्रालयले संचार र समन्वयको विभाग, शंकास्पद विरामीको खोज र टे«ेसिङ गर्ने गरि विभिन्न ५ वटा टिम बनाएर काम गरिरहेको पनि जानकारी गराएको छ ।