आयुर्वेदिक औषधिले कोरोना बिरामी निको हुन थाले

काठमाडौँ-माहामारिको रुपमा चीनको हुवान प्रान्तबाट फैलिएको कोरोना भाइरसले हालसम्म विश्वभरबाट करिव २ हजार भन्दा बढीको ज्यान लिइसकेको छ ।

सोही भाइरसका कारण हाल करिव एक लाख मानिस संक्रमित छन् । लाखौँ यो रोगबाट त्रसित पनि छन् । यसै विच सो रोगको उपचारका क्षेत्रमा एक नयाँ सफलता मिलेको चिनिया समाचार संस्था सिन्ह्वाले जनाएको छ ।

चिनिया आयुर्वेदिक औषधि ‘क्वीङफेई पेइडुताङ’ को प्रयोग गरेर जियाङ्छी शहरमा केही मानिसहरुलाई स्वस्थ बनाईएको खबर छ । सो शहरमा ७ सय १० जनामा कोरोना संक्रमण पाइएकोमा आयुर्वेदिक औषधिको प्रयोगले १ सय ३० जना स्वस्थ भएर घर फर्किएको समाचारमा उल्लेख गरिएको छ ।

जियाङ्छी विश्वविद्यालयका अनुसार पश्चिमी औषधिले श्वास-प्रश्वास तथा रक्तसञ्चार प्रकृयालाई सहयोग गरिरहेको छ भने चीनको स्थानिय आयुर्वेदिक औषधिले शारिरिक स्वास्थ्य सुधारमा सहयोग गरेको छ ।

यी दुई औषधिको प्रयोग कोरोना बिरुद्ध लड्न सहि सावित हुने विश्वविद्यालयका अधिकारीहरुले विश्वास लिएका छन् ।