जापानमा कोरोना संक्रमितलाई एचआइभीको औषधि

टोकियो- कोरोना भाईरसले चीनमात्र हैन संसारका अन्य मुलुकहरुलाई समेत आक्रान्त बनाईरहेको छ । जापानमा डाइमण्ड क्रुज सिपबाट उद्दार गरिएका ४ सय ५४ जना सँगै ५ सय २० जनालाई उक्त भाइरस संक्रमण भएको छ |

यस लगत्तै जापानले सो रोगसँग लड्न कडा कदम चालिरहेको छ । उक्त रोग विरुद्धको औषधि कहिले विकास हुने कुनै निश्चितता नभएको र विकल्प खोज्नु बाहेक अन्य विकल्प नरहेको बताउदै जापान सरकारका एक अधिकारी योशिहिदि सुगाले सो जानकारी दिएका हुन् ।

मंगलवार आयोजित पत्रकार सम्मेलनमा उनले दिएको जानकारी अनुसार सरकार चाँडो भन्दा चाँडो औषघिको प्रकृया पुरा गरेर एचआईभी विरुद्धको औषधि कोरोना संक्रमितहरुलाई दिने योजनामा छ ।

उनका अनुसार हाल डाईमण्ड क्रुज सिपलाई क्वारेन्टाईनमा राखिएको छ र जापानमा हालसम्म कोरोना भाईरसबाट एक जनाको मृत्यु भईसकेको छ ।

जापान बाहेक चीन, थाईल्याण्ड लगायतका देशहरुमा उक्त रोगका संक्रमितहरुलाई एचआईभि बिरुद्धको औषधि दिईने गरेको छ जुन उपयोगि समेत सावित हुँदै गएको छ ।

यता ओलम्पिकको तयारिमा रहेको जापानलाई सो रोग सँग बेलैमा नलडे ठूलो आर्थिक भार थपिने निश्चित छ । हिजो आज नै जापानको टोक्यो लगायतका शहरहरुमा चहलपहल घट्न थालेको छ ।

यता जापानले क्वारेन्टाईनमा राखेको डाईमण्ड क्रुज सिपलाई खाली गराएर विशेष सरसफाई गर्न सुरु गरेको छ ।

अमेरिका, क्यानडा लगायतका देशहरुले उक्त जाहाजमा रहेका आफ्ना देशका यात्रुहरु लैजान विमान समेत परिचालन गरिसकेका छन् र आफ्नो देशका नागरिकहरुलाई स्वदेश समेत फर्काईसकेका छन् ।