कोरोना त्रास – क्यान्सर लागेकालाई छिटो संक्रमण

काठमाडौँ-हालै चीनको ल्यान्केट अंकोलोजी जर्नलले प्रकाशन गरेको अध्ययन प्रतिवेदन अनुसार क्यान्सर प्रभावितहरुमा कोरोना भाईरसको संक्रमण दर उच्च रहेको देखिएको छ ।

हालै उसले गरेको सो अध्ययनमा क्यान्सर रोगिहरुमा कोरोनाको प्रभाव बढी रहेको पाइएको हो ।

हालै गरिएको अध्ययन अनुसार क्यान्सर पिडितहरुमा रोग प्रतिरोधात्मक क्षमता कमजोर हुने, केमो थेरापि तथा अन्य शल्यक्रिया लगायतका कारण उनीहरु कमजोर हुने गरेको र उनिहरुमा संक्रमण पनि चाँडै हुने गरेको अध्ययनले देखाएको छ ।

अध्ययनले ५७५ अस्पतालहरुवाट २००७ जना विरामीहरुको रिपोर्टलाई आधार मानेर अध्ययन गरेको थियो । सो अध्ययनमा धेरै जसो कोरोना भाइरस संक्रमितहरु क्यान्सर तथा अन्य कुनै न कुनै दीर्घ रोगबाट पिडित रहेका छन् ।

अध्ययनले क्यान्सर रोगीहरुमा सरेको कोरोना भाइरसका बिरामीहरुको यकिन तथ्यांक भने सार्वजनिक गरेको छैन ।

हाल सम्म चीनमा कोरोना भाइरसबाट ७० हजार ५ सय ४८ जना संक्रमित भइसकेका छन् भने आइतवार साँझ सम्ममा १७ सय ७० जनाको मृत्यु चिनमा मात्र भइसकेको छ ।