कपाल लामो बनाउन पाँच खानेकुरा खानुहोस

हामीले खाने खान्कीले हाम्रो शारिरिक तथा मानसिक बिकासमा ठूलो भुमिका खेलेको हुन्छ । कुन समयमा कस्तो खान्की खान्छौँ, त्यही अनुरुप हाम्रो शरिरका अंगहरु विकास हुन्छन् । हाम्रो कपालको बृद्धी विकास पनि हामीले खाने खाना अनुरुप नै हुने गर्दछ । अतः हामीले सहि खानेकुरा नियमित खान सक्यौँ भने मुलायम र लामो कपाल बनाउन सक्छौँ । त्यसका लागि तपाईले तल उल्लेखित ५ खानेकुराको नियमित प्रयोग गर्नु पर्दछ ।

१. अण्डा

अण्डामा पाईने बायोटीन तथा भिटामिन डी तत्वले कपाललाई मुलायम बनाउन सहयोग गर्दछ । यसले कपालमा मात्र नभई अनुहार फुट्ने समस्याबाट पनि छुटकारा दिलाउछ । यसमा भएको बायोटिनले कपाल बढ्न सहयोग गर्दछ । अण्डाका अलावा बायोटीन युक्त खानेकुरा जस्तैः माछा मासु, बदाम तथा ब्रोकाउली आदीको पनि प्रयोग गर्न सकिन्छ ।

२. ब्राजिलियन बदाम

ब्राजिलियन बदाम सेलेनियम भन्ने तत्वले भरिपुर्ण हुन्छ । यो तत्व कपाल उमार्नका लागि अत्यन्तै लाभदायक हुन्छ । यदि यसको ठीक मात्रामा सहि प्रयोग गरिएमा कपाल लामो बनाउन सहयोग गर्दछ ।

३. मोटा माछा

हाम्रो शरिरलाई स्वस्थ किसिमको चिल्लो पदार्थको आवश्यकता हुन्छ । ओमेगा-३ फ्याटी एसिड हाम्रो शरिरलाई आवश्यक हुन्छ जसले मुटु, छाला तथा कपालको उचित स्याहार गर्न सघाउछ । सालमोन, म्याकरेल, टुना, हेरिन र सार्डिन्स प्रजातिका माछाहरुको प्रयोगले कपाल, छाला तथा मुटुलाई स्वास्थ्य राख्न महत्वपुर्ण भुमिका खेल्छ ।

४. भिटामिन डी युक्त खानेकुरा

भिटामिन डी युक्त खानेकुराहरु जस्तै ओरेञ्ज जुस, माछा, दहि, चीज च्याउ सोया जुस तथा कलेजोको नियमित प्रयोगले कपाल तथा छालाको स्याहारमा महत्वपुर्ण मद्दत गर्दछ । यसले कपाल बढाउन पनि धेरै मद्दत गर्दछ ।

५. एल-लिसाईन

हाम्रो कपालको जरामा एल- लिसाईन नामक तत्व रहेको हुन्छ । यसले कपाल बढाउन मद्दत गर्दछ । यसमा पाईने एमियो एसिड तथा प्रोटिनले कपाल बढ्न मद्दत गर्दछ । मासु, अण्डा, विन्स तथा डेरि प्रडक्टमा यो तत्व पाइन्छ ।

यी खाध्यान्न बाहेक अन्य कुराहरुले पनि कपालको बृद्धी बिकासमा असर गर्दछन् जस्तै: सुख्खापना, चाँया, हाँगा पलाउने समस्या आदि । यदि यि सबैको समुचित व्यवस्थापन गर्न सके तपाईको कपाल लामो अनि मुलायम हुन्छ ।