फ्रीजमा भुलेर पनि राख्न नहुने १३ खाने कुराहरु

फ्रीज तपाई हाम्रो घरमा जताततै पाइने बिध्युतीय सामाग्री हो । यसमा विविध खाद्य पदार्थहरु भण्डारण गर्न सकिन्छ । यसले हाम्रो खानेकुरालाई लामो समयसम्म ताजा बनाएर राख्छ । तर फ्रीजमा राख्ने वित्तिकै सबै खानेकुरा ताजा रहन्छन् भन्ने हुन्न । कतियप खाद्यान्नहरु फ्रीजमा राख्दा बिग्रिने मात्र हैन स्वास्थ्यलाई हानी गर्ने सम्म गर्दछन् ।

आउनुहोस्, फ्रीजमा राख्दा विग्रिने १५ खाद्यान्नहरुबारे जानकारी लिऔं

१-आलु

आलुलाई अत्याधिक चिसो स्थानमा भण्डारण गर्दा स्टार्च सुगरमा बदलिन्छ । अतः आलुलाई प्राकृतिक तापक्रममा र सके सम्म चिसो र अध्यारो खालको कोठामा भण्डारण गर्नुपर्दछ ।

२-प्याज

प्याज प्राकृतिक वातावरणमा भन्दा फ्रीजमा चाँडो विग्रन्छ । यदि फ्रीजमा भण्डारण गरिएमा प्याज भित्रभित्रै कुहिने हुन्छ । त्यसैले प्याजलाई खुल्ला तथा अध्यारो ठाउँमा भण्डारण गर्नु उपयुक्त हुन्छ ।

३-लसुन

लसुनलाई फ्रिजमा भण्डारण गरेमा त्यसमा भएको वास्ना उडेर जान्छ । त्यसैले यसलाई फ्रीजमा राख्नुको सट्टा खुल्ला तथा अध्यारो ठाउँमा भण्डारण गर्नु उपयुक्त हुन्छ ।

४-टमाटर

टमाटरलाई फ्रिजमा राख्नाले यसको स्वाद बिग्रिन्छ । फ्रिजको चिसोले टमाटरको भित्री झिल्ली टुट्छ । जसका कारण यो मुलायम हुन जान्छ ।

५-मह

यसको डब्बालाई पातलो प्लाष्टिकले बेरेर राख्नुपर्छ । मह फ्रिजमा राख्दा यसमा क्रिस्टल बन्न थाल्छ ।

६-रोटी

धेरैले रोटी खराब हुन्छ भनेर यसलाई राख्ने ठाउँ फ्रिज रोज्छन् । फ्रिजमा राखेको रोटी चाँडै सुक्छ र यसमा रहेको तत्व हराउँछ ।

७-ओखर तथा बदाम

ओखर तथा बदामलाई फ्रीजमा भण्डारण गर्दा त्यसमा भएको तेलीलो पदार्थ त सुरक्षित रहन्छ तर तपाइले बदाम तथा ओखर खाँदा जुन स्वाद पाउनुहुन्छ, त्यो पाउनुहुन्न । अतः त्यस्ता खाद्यान्नलाई हावा नछिर्ने भाडोमा बन्द गरेर राख्नु पर्दछ ।

८-कफी

कफी कहिल्यै फ्रिजमा नराखौँ । यसको स्वाद बिग्रने मात्रै होइन, आसपासको खानामा यसको सुगन्ध हावी भइदिन सक्छ ।

९-हट सस

हट ससमा पर्याप्त मात्रामा भिनेगर हुने भएका ले यो हतपत विग्रिदैन । बरु यसमा भएको मसलेदार स्वाद उडेर जान्छ । अतः यसलाई बाहिरै भण्डारण गर्दा राम्रो हुन्छ ।

१०-स्याउ

स्याउमा पाइने इंजाइम्स सक्रिय भई चाडै पाक्ने तथा बिग्रने हुन्छ । यदि राख्नैपर्ने भयो भने पनि कागजले बेरेर मात्रै फ्रिजमा राख्नुपर्छ ।

११-एभोकाडो

धेरै पाकेको एभोकाडो कालो हुदै जान्छ र नपाकेको खाँदा काँचो आलु खाए जस्तै हुन्छ । अतः यदि ठिक्क पाकेको छ भने फ्रीजमा राख्नुस नत्र बाहिरै भण्डारण गर्नुहोस् ।

१२-अण्डा

अण्डा पनि फ्रिजमा राख्नु हुँदैन । अण्डालाई फ्रिजमा राख्दा यसको बाहिरको भाग फुट्ने वा अनेक समस्या आउँछ । त्यतिमात्र होइन भित्रको झोल पनि विग्रन सक्छ ।

१३-काँचो तरकारी वा फलफूल

काँचो तरकारी वा फलफूलका लागि फ्रिज उचित ठाउँ होइन । यसले ताजा खानेकुरा फलफूलको स्वाद विगारिदिन्छ ।