कोरोना भाईरसका कारण मृत्यु हुनेको संख्या १ हजार १६ पुग्यो

काठमाण्डौ – चीनबाट फैलिएको कोरोना भाइसरका कारण मृत्यु हुनेको सङ्ख्या एक हजार नाघेको छ । ज्यान गुमाउनेको सङ्ख्या एक हजार १६ पुगेको समाचार संस्था सीएनएनले जनाएको छ ।

ज्यान गुमाउनेमध्ये एक हजार १४ जनाले चीनमा र २ जनाले चीनबाहिर मृत्यु भएका हुन् । सङ्क्रमित हुनेको सङ्ख्या ४२ हजार ६ सय ३८ पुगेको छ ।

भाइरसको सङ्क्रमण सुरु भएको चीनको वुहानमा मात्रै नौ सय ७४ जनाको मृत्यु भएको छ ।

यसैबीच विश्व स्वास्थ्य सङ्गठन डब्लुएचओको एउटा टोली सोमबार चीन पुगेको छ । टोलीले मङ्गलबारदेखि उपचार, रोकथामका उपायको काम थाल्ने छ ।