कोरोना भाइरस के हो ? यसबाट कसरि सुरक्षित रहने ?

काठमाडौं-कोरोना भाइरस एक प्रकारको फ्लु हो । यो एक प्रकारको प्याथोजेन हो जसले स्वासप्रस्वास प्रकृयालाई असर पुर्याउछ ।

विश्व स्वास्थ्य संगठनका अनुसार हालसम्म ७ प्रकारका कोरोना भाइरसहरु पाइएका छन् । साधारण रुघा खोकिदेखि स्वासप्रस्वास समस्या जस्ता विविध रुपमा आउने यो सरुवा रोग चमेराबाट सर्ने सार्स कोरोनासँग ८९ प्रतिशत मिल्दो जुल्दो रहेको सरुवा रोग तथा माहामारी नियन्त्रण केन्द्रले जनाएको छ ।

कोरोना भाइरसकाे सङ्क्रमणका लक्षणहरु साधारण रुघाखोकीकाे जस्तै नाकबाट पानी बग्ने, घाँटी दुख्ने, खोकी लाग्ने मांशपेशी दुख्ने तथा प्रतिरक्षा प्रणाली कमजोर भएका मानिसहरुमा निमोनिया तथा स्वासप्रस्वास समस्या समेत देखिने हुन्छन् ।

विश्व स्वास्थ्य संगठनका अनुसार यस्तो लक्षण देखिने मध्ये करिव २० प्रतिशत मात्र सिकिस्त बिरामी हुने गर्दछन् ।

अमेरिकाको रोग नियन्त्रण केन्द्रका अनुसार यो रोग हावाबाट सर्ने नभई सङ्क्रमित मान्छेले खोक्दा या हाच्छ्यु गर्दा निस्कने र्याल, खकार तथा थुकबाट सर्दछ ।

चिनिया स्वास्थ्य विज्ञहरुले सार्वजनिक गरेको तथ्याङ्क अनुसार यहि रोगका कारण मर्ने मानिसको संख्या २ देखि ३ प्रतिशत छ । तर समयमा उपचार नपुग्दा भने फोक्सोमा असर गरि ज्यानै समेत लिने उनीहरुले बताएका छन् ।

कोरोनाले विश्वका २० भन्दा बढी देशहरुमा असर गरेता पनि साबुन पानीले नियमित हात धुने, आफ्ना साधनहरुको प्रयोगमा सावधानि अपनाउने, अनुहारमा मास्कको नियमित प्रयोग गर्ने, खोक्दा वा हाच्छ्यु गर्दा रुमालको प्रयोग गर्ने गरेमा कोरोना सङ्क्रमणबाट बच्न सकिन्छ ।

यदि शंका लागेमा नजिकको स्वास्थ्य केन्द्रमा गएर चिकित्सकलाई जानकारी गराउने, भिडभाड युक्त क्षेत्रमा नजाने, मानिसहरु सँगको सामिप्यतालाई कम गर्ने र स्वास्थ्य जाँच नियमित रुपमा गराउने गर्नुपर्दछ ।