हङकङको क्रुजमा ४ दिनदेखि फसेका साढे ३ हजार जना कोरोना परिक्षणपछि बाहिर निस्किए

एजेन्सी – हङकङमा क्रुजमा चार दिनसम्म फसेका हजारौं मानिसहरु कोरोनाभाइरसको परीक्षणपछि बाहिर निस्कएका छन् । केही कर्मचारीहरूमार्फत् भाइरस पानीजहाजमा फैलिएको हुनसक्ने आशङ्कापछि वर्ल्ड ड्रीम क्रुजका करिब तीन हजार ६ सय यात्रु र चालक दललाई निगरानीमा राखिएको थियो।

परिक्षणपछि बाहिर निस्किने अनुमति दिईएको हो । चीनमा देखापरेको यो भाइरसको प्रकोपका कारण अहिलेसम्म ८ सय १३ जनाको मृत्यु भइसकेको छ।

यो सङ्ख्या यसअघि स्वासप्रश्वासमै समस्या देखिने सार्सले मारेको मानिसहरूको भन्दा धेरै हो । सन् २००३ मा सार्सका कारण दुई दर्जनभन्दा बढी देशमा गरी सात सय ७४ जनाको ज्यान गएको थियो।

कोरोनाभाइरसले मानिसको फोक्सोमा आक्रमण गर्ने चिकित्सकहरू बताउँछन् । कोरोनाभाइरसको संक्रमणको खतराका कारण चिनियाँ नयाँ वर्षदेखि नै बिदामा बसेका मानिसहरू बिस्तारै काममा फर्किने तयारी गर्दैछन्।