साल्ट ट्रेडिङ्गको ‘आयोडिन मन्थ’ प्रभावकारी हुदै

काठमाडौं-साल्ट ट्रेडिङ्ग कर्पोरेसनले हरेक वर्ष मनाउँदै आईरहेको ‘आयोडिन मन्थ’ कार्यक्रम यो बर्ष पनि संचालन भईरहेको छ |

आयोडिनयुक्त नूनको प्रबर्द्धन तथा आयोडिनको कमीबाट हुने विकृति बारे जनचेतना जगाउने उद्धेश्यले ‘आयोडिन मन्थ’ आयोजना गरिएको हो |

कर्पोरेसनले जारि गरेको प्रेस विज्ञप्ति अनुसार फेब्रुवरी महिनाभर आयोडिनको कमीले हुने विकृतिहरू बारे जनचेतना जगाउने कार्यक्रम गरिने छन् ।

२१ जिल्लाको १७० बिद्यालयमा स्कूल एडभोकेसी, हाटबजारमा माइकिङ, अस्पताल, जनस्वास्थ्य चौकीहरूमा कार्यक्रम, तुल ब्यानर, र्‍याली, एफएम कार्यक्रम भईरहेको छ ।

कर्पोरेसनका अनुसार दिपायल, डडेल्धुरा, महेन्द्रनगर, टीकापुर, धनगढी, नेपालगञ्ज, सुर्खेत, दाङ, कृष्णनगर, भैरहवा, पोखरा, बाग्लुङ, नारायणगढ, बनेपा, हेटौंडा, वीरगञ्ज, जनकपुर, राजविराज, लहान, विराटनगर र बिर्तामोड जनचेतनामूलक कार्यक्रम भईरहेको छ |

नेपाल युनिभर्सल साल्ट आयोडाइजेसन ( युएसआइ) को सदस्य राष्ट्र भएकाले ट्रेडिङ्गले सन् १९९८ देखि हरेक बर्ष फेब्रुवरी एक महिना ‘आयोडिन मन्थ’ मनाउदै आएको हो |

सरकारले विगत ५६ वर्षदेखि ट्रडिङलाई आयोडिनयुक्त नूनको आधिकारिक बिक्रेताको जिम्मेवारी दिइएको छ ।

कर्पोरेसनले जनाए अनुसार उचित मात्रामा आयोडिन भएको नून उपभोग गर्ने घरसंख्या ९० प्रतिशत पु¥याउने लक्ष्य लिएको मा सन् २०१६ मा नै ९४.५ प्रतिशत पुगेको छ |

‘आयोडिन मन्थ’ मा सहभागी बिद्यार्थी, शिक्षक, अभिभावक, ब्यापारी, कर्मचारी, गृहिणीले कर्पोरेसनको यो कार्यक्रम अत्यन्त प्रभावकारी रहेको जनाएका छन् |