माछा, मासुको अति प्रयोग मुटुलाई हानिकारक

काठमाडौँ-तपाई हामीले हाम्रो भान्सामा बिभिन्न रेसिपीहरुको प्रयोग गर्दै माछा तथा मासु जन्य पदार्थको विभिन्न परिकार बनाएर खाने गर्दछौँ । तर के हामीले खाने गरेका यी परिकारहरु हाम्रो स्वास्थ्यलाई साच्चिकै फाईदा गर्छन् अथवा हानी नोक्सानी पनि छ? बिभिन्न प्रकारका टिका टिप्पणीहरु बाहिर आए तापनि चीनियाँ अनुसन्धानकर्ताहरुले गरेको अध्ययनलाई एक पटक अध्ययन गरौँ।

चिनिया अध्ययन टोलीले अमेरिकाका केहि ब्यक्तिहरुमा हालै गरेको एक अध्ययनका अनुसार मासु तथा माछाको परिकारमा फ्याट तथा नूनको मात्रा बढी हुन्छ र यो कार्डियो भास्कुलर रोगलाई प्रोत्साहन गर्न काफि छ । अत: यस्ता परिकारहरुको अत्याधिक प्रयोग मुटूको निम्ति हानिकारक छ ।

उक्त अध्ययनले ३० बर्ष भन्दा माथिका प्राय मानिसहरुमा मुटुको समस्या आउने गरेको र यसको कारण माछा मासु जन्य पदार्थको अति प्रयोग रहेको पाईएको छ ।

माछा मासुको अत्याधिक प्रयोगका कारण मुटु रोग हुने नखानेलाई भन्दा ७ प्रतिशत बढी रहेको पनि अध्ययनले देखाएको छ । र जो मानिस हप्तामा २ वा २ भन्दा बढी माछामासु सेवन गर्दछ, उसमा यो रोग तथा मृत्यु जोखिम समेत बढ्दै जान्छ ।

रिस्क फ्याक्टरलाई बढी जोड दिएर निकालिएको उक्त अध्ययन प्रतिवेदनमा माछा मासु जन्य खाध्य पदार्थलाई कसरी तयार गरेर खाने भन्ने बारे केहि खुलाईएको छैन । साथै अध्ययनमा समेटिएका स्याम्पलहरु अमेरिकी युवामा मात्र लागु हुने भएकाले अध्ययनको विश्वव्यापिकरणमा पनि समस्या देखिएको छ ।