जान्नुहोस भान्सामा पाईने कपुरका फाईदाहरु

काठमाडौँ-कपुर तपाई हाम्रा निम्ति नयाँ शब्द पक्कै पनि हैन । यो हाम्रो भान्सा देखि पुजा कोठा तिर पाईन्छ । कपुर मान्छेको दैनिक कामकाजमा प्राय धेरै नै प्रयोग हुन्छ ।

धेरैजसो पूजा–आजमा प्रयोग गरिने कपुर निकै बास्नादार हुन्छ । सेतो हुने कपुर हामिले कपडामा सुगन्ध ल्याउन राख्ने गर्छौ । त्यस्तै कपुरलाई खाद्यान्नमा राख्दा घून, किरा, कमिला लाग्दैन भन्दै राख्ने गर्छौ । तर कपुरमा यति मात्र फाइदा छैन ।

कपुरलाई सहि तरिकाले प्रयोग गर्न जानेमा धेरै फाइदा लिन सकिन्छ । कपुर हाम्रो स्वास्थ्यको लागी पनि फाइदाजनक छ । यदि तपाईलाई शरिर चिलाउने वा दाद आउने समस्या छ भने पाँच भाग कपुर एक भाग गन्धक, मट्टितेलमा मिसाएर मलहम बनाएर लगाएमा ठिक हुन्छ ।

त्यस्तै शुद्द कपुरको बास्ना तथा धुँवा किटनासक औषाधिको रुपमा समेत प्रयोग गर्न सकिन्छ । बैज्ञानिक मान्यता अनुसार कपुरको बास्ना तथा धुवाले वरपरको वातावरणलाई किटाणु मुक्त बनाउन समेत सहयोग गर्दछ ।