उपल्लो डोल्पामा झाडापखालाको समस्या

काठमान्डाै-उपल्लो डोल्पावासी झाडापखालाको समस्याबाट पीडित बनेका छन्। चिसोका कारण आर्थिक अवस्था कमजोर र वृद्धवृद्धा मात्र उपल्लो डोल्पामा बस्ने गर्दछन्। डोल्पोबुद्ध गाउँपालिका-४ ताक्सी र धोगाउँमा झाडापखालको समस्या देखापरेको हो। परम्परागत उपचार विधि आम्चीको भरमा उपचार हुँदै आइएको जनाइएको छ।

दैनिक ५० भन्दा बढी स्थानीयवासी बिरामी हुने गरेका डोल्पोबुद्ध गाउँपालिका वडा नं ३ का वडा सदस्य लाप्कातेण्डुप लामाले जानकारी दिएका छन्। लामाले स्वास्थ्यकर्मी पठाउन र उपचारको पहल गर्न आग्रह समेत गरेका छन्।

गत मङ्सिर महिनामै औषधिको माग गरे पनि अहिलेसम्म नपाएको यहाँका स्थानीय तहले बताएका छन्। दैनिक भाडापखालाका बिरामीको सङ्ख्या बढ्दै गएको र औषधि नहुँदा थप समस्या हुँदै गएको बताइएको छ। हिउँले ढाँकेको यहाँका बस्तीका बिरामीको उपचार गर्न नै सकस भएको छ।