चीनमा १३ सय शैयाको अर्को अस्पताल पनि बन्दै, बुधबारसम्ममा बनिसक्ने

काठमाडौं – कोरोना भाइरसको उपचारका लागि चीनले अर्को अस्पताल पनि निर्माण गर्दै छ । यो अस्पताल बुधबारसम्ममा बनिसक्ने चिनियाँ अधिकारीहरुले बताएका छन् ।

एक हजार शैयाको छुट्टै अस्पताल संचालन गरेको चीनले संक्रमणको महामारीको रुप दिएकोले ठाउँ अभाव हुने भन्दै अर्को अस्पताल पनि बनाउन सुरु गरेको हो ।

गएको डिसेम्बर ३१ मा हुबेइ प्रान्तको वुहानमा देखिएको कोरोना भइरसको संक्रमण अहिले चीनसहित विश्वका २२ भन्दा बढी मुलुकमा फैलिएको छ ।

कोरोना भाइरसकै कारण चीनमा अहिलेसम्म ३६१ जनाको मृत्यु भएको पुष्टि भएको छ । १७ हजार भन्दा बढी मानिसमा संक्रमित भएका छन ।

आइतबार पहिलो पटक चीन बाहिर पनि एक जनाको मृत्यु भएको छ । फिलिपिन्सको मनिलामा मृत्यु भएका ती व्यक्ती चिनियाँ नागरिक नै भएको पुष्टि भएको छ ।