पुरुषका लागि पनि बन्यो गर्भनिरोधक सुई

एजेन्सी-अहिलेसम्म महिलाका लागि मात्र गर्भनिरोधक चक्की र सुई बनेका छन। तर, अहिले भारतीय अनुसन्धानकर्ताहरुले पुरुषका लागि पनि सुई बनाएका छन्। यो सुई एक पटक लगाएको खण्डमा १५ वर्षसम्म बच्चा नहुने बताइएको छ।

भारतीय अनुसन्धानकर्ताहरुले पहिलोपटक यस्तो सुई बनाएको दाबी गरेका छन्। यो गर्भनिरोधक सुई इण्डियन काउन्सिल अफ मेडिकल रिसर्चका वैज्ञानिकहरुले तयार पारेका हुन्।

उक्त सुईको प्रयोग भारतको पाँचवटा राज्यमा भइसकेको छ। दिल्ली, हिमाञ्चल, जम्मू, पञ्जाब र राजस्थानमा यसको परीक्षण गरिएको हो।

ड्रग कन्ट्रोलर जनरल अफ इण्डियाले सुई पास गरेपछि सर्वसाधारणले पनि लगाउन पाउनेछन्।