‘नून’ ले क्यान्सर निको हुन्छ

काठमाडौँ-बैज्ञानिकहरुले क्यान्सरसँग जुध्न निरन्तर प्रयास गरिरहेका भए तापनि हालसम्म ठूलो सफलता भने हात पार्न सकेका छैनन् । यो रोगसँग लड्न अझै धेरै बाँकी रहेको उनीहरु बताउछन् ।

तर हालै गरिएको एक अध्ययनले सोडियम क्लोराइडका सुक्ष्म तत्वहरुको प्रयोगले क्यान्सरका तत्वहरु नाश गर्न सार्थकसिद्ध भएको बताएका छन् । उनीहरुले मुसामा गरेको अध्ययनले यस्तो तथ्य फेला परेको बताएका छन् ।

विगत एक दशकबाट बैज्ञानिकहरुले क्यान्सर विरुद्ध विभिन्न औषधिहरु पत्ता लगाएता पनि ति औषधिहरुमा शरिरमा रहेका प्रतिरोधात्मक क्षमतामा ह्रास ल्याउने किसिमका साइड इफेक्टस समेत पाइएको छ ।

जर्जिया विश्वविद्यालयका बैज्ञानिकहरुले हालै पत्ता लगाएको नयाँ तथ्यका अनुसार नूनको प्रयोग यदी गलत ठाँउमा गरिएमा यसले कोशहरुलाई मार्ने तर सहि तरिकाले प्रयोग गरिए औषधि सिद्ध हुने उनीहरुको तर्क छ ।

सोडियम क्लोराइडको न्यानो पार्टिकल्सहरुले शरिरमा ट्रोजन हर्सको रुपमा काम गर्दछ । बैज्ञानिकहरुका अनुसार सोडियम क्लोराइडका न्यानो पार्टिकल्सहरुले शरिरमा एक प्रकारको आयोन उत्पादन गर्दछ जसले शरिरको रोग प्रतिरोधात्मक क्षमतालाई मजवुत बनाउदछ ।

मुसामा गरिएको उक्त अध्ययनले सोडियम क्लोराइडको न्यानो पार्टिकल्सहरुले क्यान्सरका कोशहरुलाई नष्ट गर्न महत्वपूर्ण भुमिका निर्वाह गरेको पाइएको जनाएका छन् । यदी यो उपचार विधि मानिसमा समेत लागु गर्न सकिएमा क्यान्सर रोगको उपचारको क्षेत्रमा महत्वपूर्ण उपलब्धि हुने उनीहरुले बताएका छन् ।