ओठ सुख्खा हुनुको कारण र उपचार

मुख सुक्ने समस्या बयस्क उमेर लागे पछि प्राय मानिसमा हुने साझा समस्या हो । यो समस्या प्रोढ उमेर समुहका करिव ४० प्रतिशत मानिसमा पाइन्छ । यो समस्याको प्रमुख कारण हाम्रो र्याल ग्रन्थीले र्याल उत्पादनमा कमी ल्याउनु हो । उमेर बढे सँगै उक्त ग्रन्थीले सही काम गर्न नसक्दा मानिसहरु मुख सुक्ने समस्याबाट प्रभावित हुन्छन् ।

मुख सुख्खा हुने मानिसहरु अक्सर विभिन्न समस्याहरुवाट प्रभावित हुन्छन् । केही प्रमुख समस्याहरु जस्तै स्वाद लिने, चपाउने, निल्ने तथा बोल्ने यो रोग बाट पिडितहरुमा भेटिन्छ ।

यो रोग लागेका मानिसहरु कहिले काही जिब्रो दुख्ने तथा स्वास गन्हाउने जस्ता समस्याहरु बाट समेत पिडित हुन्छन् । यो रोगका कारण मानिसहरुको दाँत झर्ने समस्या पनि उब्जिने स्याङ्गि पाइक हस्पिटलका डाक्टर प्रोफेसर पार्क क्वान सु ले बताए । यदी यो रोगलाइ हेलचेक्राइ गरेमा मुटुमा समेत असर गर्ने उनले बताए ।

मानिसको र्याल ग्रन्थिबाट एक मिनेटमा करिव ०.३ देखि ०.५ मि.लि सम्म र्याल निस्कन्छ तर यो रोग लागेका मानिसमा ०.१ मि.लि अथवा सो भन्दा कम मात्र निस्किन्छ । यो रोगको स्थायी उपचार नभए पनि छुटकारा पाउन भने सजिलो रहेको पनि डाक्टर पार्क क्वान सु ले बताए । नियमित फलफूल को प्रयोग गर्ने, प्रसस्त पानी पिउने, गार्गेल गर्ने तथा चुइगमको प्रयोग गरी मुखलाई रसिलो बनाइराखे यो रोगबाट आत्तिनु नपर्ने पनि उनको भनाइ छ |