‘क्याफिन’ले चिल्लो र गुलियोबाट हुने जोखिम न्यून गर्छ

काठमाडौं-युनिभर्सिटी अफ इलियनले गरेको एक अध्ययनका अनुसार कफीमा पाइने ‘क्याफिन’ को प्रयोगले चिल्लो तथा गुलियो पदार्थको सेवनबाट हुनसक्ने स्वास्थ्य जोखिमलाई न्युनिकरण गर्न सहयोग गर्दछ ।

बैज्ञानिकहरुले करिव ४ हप्तासम्म केही मुसाहरुलाई क्याफिनको प्रयोग गरि अध्ययन गरेका थिए । ४० प्रतिशत फ्याट, ४५ प्रतिशन कार्वोहाइड्रेट तथा १५ प्रतिशत प्रोटिन मिसाएर गरिएको उक्त अध्ययनमा क्याफिन खाने र नखाने मुसाहरुमा ठूलो फरक पाइएको छ ।

सरदर ४ कप कफि खाने मानिस बराबर बनाई गरिएको उक्त अध्ययनमा क्याफिन मिसाएको खाना खाने मान्छे क्याफिन नमिसाएको खाने भन्दा करिव २२ प्रतिशत स्वस्थ्य रहेको पाइएको छ । उनीहरुमा मोटोपनामा पनि कमी पाइएको छ ।

अध्ययनले नियमित करिव दिनमा ४ पटक कुनै प्रकारको क्याफिन सेवन गर्ने मानिसमा मोटोपनाको समस्या कम हुने तथा शरिरमा जम्मा भएको अनावश्यक बोसो पनि हटेर जाने देखाएको छ ।