कोरियन प्रोफेसर भन्छन -‘डिप्रेसन मुक्त हुन नियमित काम गर्नुपर्छ ‘

सोल-शिल्ला विश्वविद्यालयका प्रोफेसर हान जी नाले करिव १० हजार ४ सय ५० जना प्रौढ व्यक्तिहरुमा गरेको अध्ययन अनुसार नियमित काम गर्ने व्यक्तिहरु अन्यहरु भन्दा १.५ गुणा धेरै स्वस्थ रहेको पत्ता लगाएका छन् |

यसले नियमित रोजगार गर्ने व्यक्तिहरुमा मानसिक स्वास्थ्य समेत बलियो रहने जनाएको छ । रोजगारमा नजाने प्रौढहरुमा भने डिप्रेसनको समस्या देखिएको अध्ययनले देखाएको छ ।

प्रौढ अवस्थामा गरिने रोजगारले उनीहरु मानसिक रुपमा सकृय रहने, सामाजिक सम्बन्ध सुदृढ रहने तथा आफ्नो नियमित खर्चका निम्ति पैसा समेत रहने भएकाले उनीहरु डिप्रेशनको समस्याबाट मुक्त रहने गरेको उक्त अध्ययनले देखाएको हो ।

प्रोफेसर हानका अनुसार कतिपय ब्यक्तिहरुले उनीहरुको जागिरलाई गरिविको उपमा दिएता पनि त्यसो नगरि उनीहरुलाई हौसला दिनुपर्ने औल्याएका छन् ।

‘जति धेरै प्रौढहरु उत्पादनशील काममा लाग्छन्, त्यति नै अरुलाई सकारात्मक सन्देश जान्छ र राष्ट्र निर्माणमा सहयोग पुग्छ ।’ प्रोहानले प्रतिवेदनमा भनेका छन् |