कोरियन किम्चि खानुका फाइदै फाइदा

किम्चि एक विशेष प्रकारको खानेकुरा हो । बन्दा कोपी तथा मुलालाई नुन, लसुन, खोर्सानी तथा अन्य विभिन्न मसलाहरुलाई मिसाएर भाँडोमा बन्द गरेर राखि यो परिकार तयार गरिन्छ । यसलाइ कोरियामा भात, चाउचाउ, थुक्पा आदी सँग मिलाएर खाने गरिन्छ । दक्षिण एसियाका खाध्य स्टोरहरुमा उपलब्ध यो परिकार अमेरिकी पूर्व राष्ट्रपति वाराक ओवामाको पनि मनपर्ने खाद्यपदार्थ रहेको बुझिएको छ । आखिर किन यति प्रसिद्ध छ त कोरियाली किम्चि? आउनुहोस् यसका फाइदाहरु बारे जानकारी लिऔँ ।

१-यसमा स्वस्थ्य ब्याक्टेरिया तथा प्रोवियोटिक्स भएका कारण शरिरको स्वस्थ्यतालाई मजवुत बनाउन सहयोग गर्छ । दही जसरि नै जम्मा गरिने भएकाले यो शरिरका लागि अत्यन्तै लाभदायक रहेको छ । यसले हाम्रो शरिरको पाचन क्षमतालाई समेत मजबुत बनाउछ ।

२-किम्चिमा पाइने एलिसिन र सेलिनियम जस्ता तत्वहरुले उच्च रक्तचाप, रगतमा हुने उच्च कोलेस्ट्रोल लगायतमा नियन्त्रण गरि हामिलाई हृदय सँग सम्बन्धि रोगहरुबाट बचाउछ साथै यसमा पाइने लसुनले शरिरलाई स्वस्थ्य रहन मद्दत गर्दछ ।

३- किम्चिमा पाइने भिटामिन ए ले शरिरलाई स्वस्थ रहन मद्दत गर्नुका साथै आँखाको ज्योतिलाई समेत दीर्घायु दिन्छ ।

४- किम्चिको नियमित सेवन गर्नाले अनुहारमा आउने चाउरीपना हटाई अनुहारमा चमक ल्याउनुका साथै यसले कपाललाई समेत चम्किलो बनाउदछ ।

५-किम्चिले हाम्रो शरिरमा भएका (विशेष गरि कलेजो, पित्त थैली तथा मिर्गौला) अनावश्यक तत्वहरुलाई सफा गरि पेटमा हुने क्यान्सरबाट समेत बचाउछ ।

६-एन्टि अक्सिडेन्टहरुबाट भरिपुर्ण किम्चिको नियमित सेवनले चाँडै बुढो हुने समस्याबाट बचाउछ र शरिर स्वस्थ बनाउछ ।

७-किम्चिमा रहेको खोर्सानी तथा भेनेगरले शरिरको अनावश्यक बोसो घटाई मोटोपना बाट सुरक्षित राख्छ ।

८- किम्चिको नियमित सेवन गर्नाले पेप्टिक अल्सर हुनबाट बचाउछ ।

९- यसले शरिरको प्रतिरक्षा प्रणालीलाई शशक्त बनाई रोग सँग लड्ने क्षमतामा बृद्धि ल्याउछ ।