जाडोमा बाथ रोगबाट जोगिने ७ उपाय

सामान्यतया जोर्नी दुख्ने समस्यालाई बाथरोग भनिन्छ । शरीरमा प्रतिरोधात्मक प्रणाली कमजोर हुँदा यो रोग लाग्ने गर्दछ । यसले शरीरको जोर्नीका साथै छाला,आँखा, दिमाग, मुटु, फोक्सो,मिर्गौला लगायतमा असर गर्छ । कुनै बेलामा भने अन्य रोगसँग मिसिएर यो रोगको लक्ष्ण देखिन सक्छ |

मुख्यतया ¥युमटोइड आरथ्राइटिस ( आमबाथ ), ओस्टीयो आरथ्राईटिस (जोर्नी खिइने बाथ), गाउट (युरिक एसिडको बाथ), स्पोण्डीलो आरथ्राईटिस ( ढाडको बाथ), ¥युमारिक फिबर ( मुटुजन्य बाथज्वरो ) र लुपस ( एसएलइ), भास्कुलाइटीस (नशाको बाथ) झुबेनाइल आरथ्राइसिस (केटाकेटीमा हुने बाथ) नेपालमा देखिने गरेका छन् ।

बाथको लक्षण

बाथ भएमा विहान उठ्ने बेलामा हातखुट्टाका जोर्नीहरू दुख्ने, सुनिने तथा बिहानीपख अररो हुने , ज्वरो आउने, आलस्य हुने, चाँडै थाक्ने तथा गल्नेजस्ता लक्षण देखिन्छ । साथै जोर्नी मात्र नभई यस रोगले शरीरका विभिन्न अङ्गमा असर देखाउन सक्छ । छालामा निको नहुने घाउ आउने, आँखा रातो हुने तथा दुख्ने, स्वाँस्वाँ आउने, फोक्सोबाहिर पानी जम्ने जस्ता समस्या पनि यसका लक्षण हुन् ।

बाथ रोगबाट बच्ने ७ उपाय

१- चिसोमा नजाने ।

२-बेलुकी मनतातो पानीमा नुन राखेर पाँचदेखि १० मिनेट हातखुट्टाको औंला सेक्ने ।

३-चिसो मौसममा तातो खानेकुरा खाने र न्यानो कपडा लगाउने ।

४-धुम्रपान तथा मद्यपान नगर्ने ।

५-रातो मासु नखाने ।

६-सुकेको गेडागुडी, गोलभेँडा जस्ता खानेकुरा नखाने ।

७-शरिरमा निलडाम देखिएमा, मुखमा घाउ आएमा वा छालामा डाबरहरु देखिएमा तुरुन्त चिकित्सकलाई दखाउने ।